領展「連繫自然」計劃 在市區商場探索蝴蝶世界

市區都有蝴蝶園？黛安聽公關姊妹講，秀茂坪商場和慈雲山中心嘅戶外空間，透過領展「愛‧滙聚計劃」所支持嘅「連繫自然」計劃，喺今年初由環保協進會統籌下，變身成為適合蝴蝶棲息嘅地方，移植超過250棵、近10種蜜源植物，為蝴蝶提供花蜜，仲會推出一系列活動，等大家可以更加認識蝴蝶。

姊妹話，兩大商場會推出「S.M.P.蝴蝶保衞隊」和「Summer Fun蝴蝶『園』遊會」，透過「戶外探險之旅」，讓小朋友喺障礙賽遊戲中親身體驗蝴蝶嘅生長過程；又打造咗3米高嘅3D錯視「喜『閱』蝴蝶屋」，從唔同角度去睇都有唔同嘅錯視效果。另外，商場特別同環保協進會喺指定星期六合辦「蝴蝶生態遊」，參觀秀茂坪蝴蝶園和大埔鳳園蝴蝶保育區，一齊親親大自然。

遊樂會仲精心安排咗多個遊戲攤位同活動，只要喺商場以電子消費滿$200，就可以換領5張「夏日遊玩券」，用指定數量嘅遊玩券就可以參加唔同嘅活動喇。