周柏豪親餵虎鯨感新鮮 揀年度潮語與女兒有關 周柏豪現身珠海一個主題度假區出席活動,不過喺會粉絲之前,柏豪就應園方邀請到海洋園區同虎鯨見面,更一試飼養員身份向虎鯨餵食。呢個體驗唔只難忘,柏豪仲話好想帶埋一對仔女一齊玩! 每年網上會有一批新潮語誕生,而「公主請……」就係上年年尾爆紅嘅潮語之一,柏豪揀咗呢個潮語做自己心水潮語。事關佢一見到呢句話就會諗起氹囡囡食飯、瞓覺,柏豪真係一個廿四孝爸爸! 喺2023年,柏豪喺大灣區唔同地方開過Show,其中令佢最難忘嘅一個城市就係廣州。不過佢亦覺得每個地方都有自己特色,所以每個地方都畀到佢深刻嘅回憶。 #周柏豪 #虎鯨 #主題度假區 #大灣區 #廣州 #海洋 #潮語 #年度潮語