商 業 搬 遷

高永搬屋開業四年，自設多條車隊，師傅擁有超過廿年搬運經驗，同時一直追求與時並進嘅搬運及拆裝知識，過往曾為大型藥廠、實驗室、醫院、遊戲機中心及不同規模嘅公營/私營機構提供服務，不論係行樓梯搬運定係村屋吊運，只要向我哋提出您嘅需要，高永搬屋都能夠為您制定專業嘅搬運方案。

高永搬屋認為只要客人同搬屋公司之間有良好及足夠嘅溝通，喺清楚了解您嘅需要後，我哋就能夠為您處理好有關搬運上嘅問題。客人最需要處理嘅就係預先收拾好需要搬運嘅雜物（有需要嘅話高永搬屋亦可提供雜物裝箱服務！），如果搬運內容上有任何增加或減少，請及早通知我哋以便調整搬運收費、人手、時間及行程。

作為一間有一定規模及運作系統嘅搬屋公司，高永搬屋係絕對唔會喺應承咗客人提供服務之後，臨時單方面取消服務。至於如果係遇上惡劣天氣，例如紅雨、8號風球或以上，我哋都會建議客人改期。因為喺呢啲惡劣天氣下工作，會影響到路面情況、客人嘅貨物、以至搬屋師傅嘅安，而且喺呢類惡劣天氣下搬屋而又有損失嘅話，一般保險公司係唔會作出賠償。但如果客人必須喺當日搬嘅話，我哋會衡量返天氣同安全等因素，選擇喺較合適嘅時段提供服務，但係費用就會有所調整，始終人手嘅需求、搬運成本等會增加。

市面上唔少搬屋公司公眾假期會收貴啲， 或者會有更高嘅最低收費， 最主要嘅考慮當然係公司資源（車同搬運同事）有限， 公眾假期多啲人得閒搬屋、會忙啲， 就收貴啲去篩選客人， 不過係我哋熟客就知道， 高永喺公眾假期及平日嘅收費係一樣㗎， 因為喺成本一樣嘅情況之下， 我哋說服唔到自己收貴啲， 不過因為假期會較多人預約，如果定好日子就盡快約我哋喇。

高永搬屋作為口卑良好、值得信賴嘅香港搬運公司，報價清晰、預算準確，除咗客人臨時要求搬運額外物品，或者係有不預知嘅搬運情況，例如加搬雜物數量、要樓梯搬運等，如果唔係我哋將會按報價收費，絕不巧立明目，胡亂收費。 另一方面，由於搬運內容會直接影響本公司人手及時間安排，故所有修改請最少於搬運24小時前通知本公司，否則搬運當天不論搬運物件減少與否，搬運費用都無辦法再作調整，敬請見諒。

高永搬屋嚴格規定團隊唔可以主動向客人索取小費，但如果客人認同我哋前線同事嘅工作能力，我哋當然無任歡迎給予小費以作表揚啦！