張曦雯自認桃花多

近期獲無綫點名力捧的張曦雯（Kelly），劇集一部接一部，愛情方面反而被批算要到30幾歲才嫁人。Kelly專心為事業衝刺，坦言未有結婚衝動。

張曦雯昨日到西環出席賀年活動，並即場設計利市封及炮仗裝飾。Kelly表示豬年願望是事業繼續向好，問她是否桃花太多而不刻意追求？她即笑謂︰「都多嘅，但相士批我遲婚，起碼30幾歲才嫁人，我依家28歲，仲有幾年時間。（之前影到與型男行街？）嗰啲只係桃花，唔係真姻緣，相士話真命天子仲未出現，況且我暫時未有結婚衝動。（收住兵先？）又唔係，我係個理性嘅人，一定唔會以愛情行先。」

開工利市加碼

Kelly直言狗年事業有明顯進步，今年的開工利市會「加碼」。問她會否封大利市孝敬父母？她驚訝表示︰「哎呀！唔記得咗，父母會由美國返港陪我過年，不經不覺已有八、九年未試過一家人喺香港過年喇。」

撰文︰Pauline

攝影︰林良明

編輯︰陳禮恒

美術︰顏玉玲