同男友天生一對！雲浩影努力賺錢結婚

《全民造星III》的雲浩影（Cloud）日前為譚仔雲南米線拍攝大型廣告時，以「香茜和皮蛋」來形容跟男友的關係：「就係天生一對。」又指愛食米線，不過以前不食辣，但久經訓練後，現可挑戰勁辣。

Cloud在廣告中以可愛造型現身，紮上孖辮又表情多多，當她收到廣告商高層所送的芫荽花時大表驚喜：「今晚可加餸，我好鍾意食芫荽，會自製埋芫荽山，好好招待男友。」問到人氣高企，可有帶挈廣告價上升？她謙說自己是新人需多學習：「我會做好本分，每個人都係獨特嘅，唔會比較，亦唔會多想，如果有機會或者劇本合適，我都會嘗試，但依家希望專注歌唱事業，唱好歌畀大家聽！」坦言現階段努力賺錢，為結婚作好儲備，皆因已拍拖7年，早視對方為結婚對象。