【麥玲玲評圈中情侶】馬國明

新一年，大家最八卦的娛樂圈新聞，一定是圈中情侶會唔會結婚生仔！香港著名堪輿學家麥玲玲師傅率先為馬國明&黃心穎、蕭正楠&黃翠如、鄧麗欣&王子3對圈中情侶預測豬年愛情運！粉絲們注意啦！

▲著名堪輿學家麥玲玲師傅

馬國明（生肖虎）；黃心穎（生肖龍）

馬國明同黃心穎拍拖兩年多，感情一直穩定，10月時黃心穎的姐姐結婚，馬國明更以男友身份出席婚禮，形同見家長，身份備受肯定！麥玲玲師傅指，馬明今年踏入合太歲年份，心思思會有結婚或訂婚的想法，兩人在關係上有機會再進一步！

留意返，今年初馬明接受傳媒訪問指，自己一早在2016年買樓為娶老婆做好準備！他希望自己有間屋，以免有婆媳糾紛！言談間透露好想成家立室。唔知呢段相差15年的戀情，豬年會唔會公佈好消息呢？

如果你同馬國明一樣係屬虎，可以看看詳細的肖虎桃花運；跟黃心穎一樣屬龍，可按此了解！

蕭正楠（生肖蛇）；黃翠如（生肖雞）

蕭正楠跟黃翠如拍拖4年屢傳婚訊，但遲遲未正式公佈喜訊。麥玲玲師傅就話，狗年(即2018年）是蕭正楠跟黃翠如最適合結婚的年份，不知他們有沒有偷偷註冊？

麥玲玲師傅又話，兩人在2019豬年易有喜，有望添丁！至於能否成事，還需看翠如BB著重事業還是家庭喇！

今年黃翠如生日時，蕭正楠為她準備了一個心型蘋果樹蛋糕，原來背後好有意思。兩人因拍攝「我瞞結婚了」時撻著，當時男方角色名字「羅大樹」，女方角色叫「 花蘋」，所以就以心型蘋果樹為蛋糕主題，令壽星女非常開心。咁浪漫，真係好想快啲聽到好消息！

如果你同蕭正楠一樣係屬蛇，不妨了解你的桃花運；跟黃翠如一樣屬雞的，也可按此了解！

邱勝翊（生肖蛇）；鄧麗欣（生肖豬）

鄧麗欣與邱勝翊（王子）今年高調宣佈拍拖，港台粉絲都好surprise，也紛紛祝福兩人！鄧麗欣更在談及男友時更甜蜜地說：「我比較追求自然，在哪結婚不是重點，可以即興的，突然想到就去登記。」似乎唔介意閃婚。不過麥玲玲師傅睇過王子命格，拍他的桃花運非常旺，與Stephy未必在豬年拉埋天窗，還需時間了解及觀察！

雖然兩人未必在豬年開花結果，不過王子對Stephy非常疼愛，在Stephy剛過去的生日，王子為她舉辦了一場生日會，精心佈置場地、準備放滿朱古力馬卡龍的精緻蛋糕、又請來媒人應采兒出席派對，真係好體貼！祝福兩人關係更上一層樓！

跟Stephy一樣屬豬的朋友，也來預測一下你的2019桃花運吧！

推薦閱讀:

➤ 【麥玲玲2019生肖運程之事業篇】豬年是否轉工良機？升職加薪運勢預測！

➤ 【麥玲玲2019生肖運程之健康篇】豬年這些生肖健康較差 即學破解消災法

➤ 【麥玲玲2019生肖運程】豬年犯太歲自救法及拜太歲教學！

Follow us on:

• Facebook: CosmoHK

• Instagram: @cosmopolitan_hk

• YouTube: CosmopolitanHK