148
21
13
| 餐廳: | 彩福皇宴 (置富都會) |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
| 餐廳: | 彩福皇宴 (置富都會) |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
營業時間
今日營業
08:00 - 16:00
18:00 - 23:00
星期一至日
08:00 - 16:00
18:00 - 23:00
以上資料只供參考, 請與餐廳確認詳情
一班舊同事晌疫情幾年都無約齊過出嚟聚一聚，就趁農曆年咁就梗喺乘機出嚟食番餐啦！因為就番大家關係，所以，定喺星期五晚，然而，好多酒樓都會有時限，結果，偏少少搵到嚟「都會廣場」嘅「彩福」，無時限之餘，又就得到部分住喺新界東嘅老友。雖然成日聽到話啲人北上搵食，不過，今晚嚟到「彩福」都算喺幾爆場。因為我哋有排傾，坐咗成晚，眼見有啲細枱翻咗一、兩轉。至於呢度嘅環境，同傳統酒樓差唔多，燈火通明，唔好見張相以為地方得咁細，其實有一邊間咗俾人搞宴會。同枱嘅舊同事對食都無乜要求，所以，我哋都喺叫返啲慣常小炒，本應佢有一張大嘅點菜紙，不過，忘記影低。大家眼見呢幾張餐牌都喺當其時「求其」影，實際當然唔止咁少款式。片皮鴨 $288呢道菜要預訂，唔訂未必無，訂咗就穩陣啲。由於我哋坐咗晌個角落位，所以，阿姐晌出面遠少少位置度片隻鴨，用咗隻「鴨仔」碟，配上大蔥、青瓜、甜麵醬，成份片皮鴨幾有睇頭。隻鴨燒得幾唔錯，皮脆肉嫩，油香豐腴，加埋啲配料以餅皮捲起嚟食，好有風味。不過，負責片皮嘅阿姐絕對好業餘，因為片到厚薄不一，有啲直情得層皮，有啲就連住嚿厚肉，多多少少都影響咗個口感。七彩炒鴨絲 $88叫得片皮鴨，無理由唔加少少錢揀二食，不過，話就話「七彩」，應該改為「銀翠」，因為喺以銀芽同韮菜去炒鴨絲。實際嚟講，炒得夠鑊氣，都幾好食，而且，大大碟夠份量。上湯焗西澳龍蝦 $388話晒當喺賀年，梗喺食豪少少，所以，揀咗一客龍蝦，並加埋伊麵底（+$30）。講明喺澳洲貨，又標明會有幾重，感覺都有信心啲，出嚟嘅成品亦都好唔錯，睇落絕對足秤，龍蝦肉非常之爽彈，而且好鮮甜，用咗上湯焗，無芝士咁「漏」，不過，略嫌啲伊麵有少少碎濕濕。鹹菜胡椒豬肚鯛魚片煲 $118除咗個龍蝦，揀多個海鮮類菜式，就喺呢個魚片煲，最搞嘢喺襯埋個鹹菜胡椒豬肚湯，感覺好似一個價錢食兩度菜咁，更好嘅喺呢個煲熱住食，啱晒呢排天寒地凍嘅日子。本身個鹹菜胡椒豬肚湯已經幾好食，加上啲鯛魚片好嫩滑，份量亦唔少，呢道菜可以講喺性價比高。石鍋珍菌百福豆腐 $98老友們食嘢都喺相對比較健康，所以多菜少肉，蔬菜類菜式都會揀多啲。先喺呢個石鍋豆腐。因為用上滾熱燙嘅石鍋盛上，所以由頭食到尾都夠晒熱焫焫，而裡面有好多菇菌，啲豆腐又夠滑，個醬汁調味道啱啱好，確喺唔錯。金銀蛋浸菜心 $96另一度蔬菜菜式就要清淡啲嘅，就揀金銀蛋浸時蔬，時蔬就揀咗菜心，因為阿姐話今日啲菜心靚，又即管試下，食落又確喺幾甜，而金銀蛋大家都知喺乜唔多講。原個椰皇燉燕窩 $52甜品方面呢度有好多選擇，不過，原個椰皇需要預訂，同樣地，無訂嘅話唔一定無，視乎當晚供應情況。我哋就預訂咗兩個，再加埋其他甜品一齊共享。講返個椰皇，打開蓋都睇得到非常足料，啲燕窩唔會碎濕濕，而下面嘅椰皇燉奶熱呼呼，好嫩滑，非常清甜，陣陣椰香，食完真喺好潤。紅豆桂花糕 $24一般嘅桂花糕賣相都比較晶瑩，但呢份桂花糕外觀就比較沉實啲，因為加咗紅豆，又喺可以講一個價錢食到紅豆糕同桂花糕。啲紅豆煮得幾綿，而且夠香甜，加咗桂花所以滲出陣陣桂花香，味道都幾夾。金箔芝麻卷 $30一碟有成6件，都只喺買$30，晌酒樓中都算抵食，再者加咗少少金箔，睇上去自然貴氣好多。而入口個人嚟講，都真喺算唔錯，口感夠挺身，咬落又帶點爽口，最重要就喺芝麻味夠濃郁。若非有啲老友住得遠，否則我哋仲有排傾，始終太耐無見，同埋今晚又喺最齊人，喺難得嘅機會。不過，依家已經復常番晒，相信第時出嚟再聚嘅日子都會多啲。
繼續閱讀
彩福皇宴一向以街坊價價錢，就可以享受到高質美味的中菜，今日放工就去咗屋企附近紅磡火車站分店，環境又大又寬躺坐得舒服，多款美食由幾十蚊起已經有交易，貴價菜式如龍蝦、松葉蟹、貴價魚類都相當抵食👍🏻▪️ 粟米魚肚羹 $ 48魚肚又叫「平民花膠」，含有豐富膠原蛋白質，滋潤養顏對皮膚好，粟米湯加了魚肚，口感豐富，啖啖魚肚，滑爽稠黏▪️ 金牌脆皮燒雞 $ 38🌟即是我最愛炸子雞，酒樓仲有推廣活動以超特價 $ 38就可以享用半隻，唔食真係對唔住自己，每枱必點，雞皮色澤光鮮，一啖咬落去好香脆，肉質剛剛熟非常鮮嫩，味道鹹香鹹香夠入味，就咁食已經好味道，亦可沾上甜辣汁增添風味▪️ 鮮菠蘿拔絲咕嚕肉 $ 120最喜歡菠蘿是用新鮮，鮮甜又多汁，咕嚕肉外脆內軟，肉質半肥瘦啖啖肉，爽口又彈牙，山楂酸甜汁調味恰到好處，酸甜味道非常開胃，伴上新鮮青紅椒和洋蔥，必食之選▪️ XO醬野菌筍炒帶子 $ 118帶子大大粒鮮味十足，露荀炒得爽口細嫩，配上野菌菇類，用XO醬爆炒後香香辣辣，惹味之選 ▪️ 滋養桃膠燉紅蓮 $ 52好足料，大量桃膠配上紅棗蓮子一起清燉，味道鮮香，而且唔太甜，食完感覺好滋潤▪️ 原個椰皇燉燕窩 $ 28 原個椰皇燉蛋白，沒有添加任何糖分，味道只有椰子水的清甜和蛋白的細滑，配上燕窩，非常美味，養顏之選
繼續閱讀
孩子在紅磡有活動，晚上一家人在附近吃飯，決定到酒樓吃。這兒裝修十分美麗，不愧是飲宴專用的場地。而且空間闊落乾淨，大家坐得很舒服。🥢鮮菠蘿拔絲咕嚕肉每粒咕嚕肉都有糖漿包裹著，夾起來有拉絲的效果。咕嚕肉吃起來又甜又脆，大小適中，份量多，外脆內軟，而且沒有骨，大人小孩都很喜歡吃。我兒子用他那排細細的牙齒也吃了不少！而菠蘿則十分新鮮，還配上車喱茄，色彩繽紛。🥢得獎客家燜豬肉這道經典客家菜上枱時香氣四溢，仍然是滾熱辣的。熱力加上長時間燜煮，令大塊豬腩肉入口即溶。份量多得連大胃口的男士也覺得多。配上咸酸菜，令人十分開胃。🥢蝦籽乾燒伊麵有長壽麵之稱的伊麵又鬆又軟，同時具有彈性，配上草菇，鮮味提升！每條麵都盡吸濃汁，十分惹味！我兒子一共吃了兩碗呢！真是大人小朋友都喜歡！
繼續閱讀
近近地到紅磡置富都會吃個晚餐, 鮮菠蘿拔絲咕嚕肉 $120非一般的咕嚕肉, 放了部分菠蘿外皮, 令賣相加分, 有新鮮菠蘿肉🍍及車厘茄🍅, 咕嚕肉非常香脆金牌脆皮燒雞(半隻) $38燒雞皮脆肉嫩又香口, 早前吃過之後實在回味無窮, 而且這價錢實在抵吃, 太心急吃了竟然忘記影相雲耳百合炒全齋 $95足料好味, 有雲耳, 百合, 蓮藕, 三色椒, 翠玉瓜及腰果黑糖薑茶糖不甩 $26黑糖薑茶味道濃郁滋養桃膠燉紅蓮 $28真材實料, 甜度適中, 非常滋潤很喜歡這裏粉藍色主調的裝潢🤩, 座位寬敞舒適, 招呼又好, 最重要是食物質素有保證, 價格又相宜
繼續閱讀