唔使飛去大阪都可以食到正宗又好味嘅大阪燒！紅磡呢間新開居酒屋「火舞町」主打鐵板燒同大阪燒，大廚從日本回流，跟當地廚師學藝超過10年，今次就將關西傳統風味同技術一齊帶過嚟新店～更以傳統大阪燒糅合創意，創作出8款唔同口味嘅火舞棒，包括雙層海膽、芝士，甚至係芫荽，新鮮感滿分。
新張限定88折！ 用OpenRice網上訂座即享受全單88折加送拖羅刺身 *優惠期有限 |
拖羅刺身
8款創意口味火舞棒
傳統大阪燒分量都唔細，如果兩三個人食其實試唔到幾多款。所以大廚就精心研發出火舞棒，以大阪燒為藍本，改為分量較細又容易進食嘅棒狀，再加上唔同配料，賣相別緻。八款口味中首推雙層海膽，即係新鮮日本海膽再加海膽醬，鮮味Double Up！香草牛油蟹肉同啖啖龍蝦都好啱各位海鮮控。
火舞棒（香草牛油蟹肉、麻辣、芝士、芫荽、雙層海膽、原味、啖啖龍蝦、蕃茄）
傳統風味大阪燒
想試返啲傳統菜式，呢度亦有豬肉、芝士、香蔥大阪燒選擇。為咗呈現關西地道風味，麵糊同醬汁都係自家製作，麵糊加入大量椰菜絲，而醬汁味道酸甜解膩。豬肉就選用鹿兒島黑毛豬嘅豬腩，肉質柔軟、油脂豐富，鐵板燒過後更香口！
大阪燒即叫即製
豬肉大阪燒
即席炮製日式鐵板燒
客人可以坐喺吧枱前，欣賞廚師即席製作鐵板燒
當造海鮮以鐵板燒方式享用亦係唔錯嘅選擇，特別係餐廳設有吧枱座位，可以欣賞到廚師團隊即席炮製鐵板燒，過程色香味俱全，未食先興奮！推介包括澳洲龍蝦尾，龍蝦肉飽滿彈牙，簡單用牛油燒香，再加上醬油就可以帶出龍蝦本身嘅鮮味。
澳洲龍蝦尾
廚師團隊手藝精湛，睇住師傅好熟練咁將新鮮虎蝦起殼拆肉，食落啖啖肉特別爽。而且燒嘅時候加入蝦膏汁，頓時香氣四溢，令人食指大動！
虎蝦（兩隻）
關西風鮮味關東煮
居酒屋另一主打係關東煮，清澈香甜嘅湯底係師傅用上大量唔同種類嘅日本魚乾熬煮而成，鮮味十足而唔會蓋過食材本身原味。清甜無渣嘅白蘿蔔、口感軟糯嘅麻糬福袋等吸飽湯底精華固然好味。大廚亦特別推介牛筋串，牛筋牛肉相間口感豐富，而且都非常軟嫩入味。
關東煮（白蘿蔔、雞蛋、蒟蒻、油豆腐、魔芋絲、炸魚餅、半片、麻糬福袋）
關東煮（八爪魚）
關東煮（牛筋）
打卡必點九宮格刺身
餐廳亦有供應多款新鮮刺身，每日由日本空運直送唔同種類嘅海鮮。心大心細咩都想試就最啱點季節刺身 - 九宮格啦！用精美木盤奉上九款新鮮刺身，當中最受香港人歡迎嘅馬糞海膽、拖羅、牡丹蝦會固定供應，其餘六款就由主廚挑選時令款式，例如最近就有帶子、熒光魷魚等。
季節刺身 - 九宮格
更多招牌美食推介
呢碗醬油漬拖羅海膽三文魚子飯非常豐盛，配料多到完全睇唔到啲飯！中間係醬油漬拖羅，適當嘅鹹味襯托出中拖羅嘅魚油甘香，入口即溶而無筋，配搭同樣甘甜細膩嘅海膽，同咬開即爆出鮮味嘅三文魚子，三重鮮味交織，一試難忘。
醬油漬拖羅海膽三文魚子飯
居酒屋招牌小食之一玉子燒，呢度亦絕對做得唔馬虎，選用以蛋黃味道濃郁著名嘅日本新紀元卵，半熟多汁嘅玉子包住半融嘅芝士，係幸福嘅味道啊。
芝士玉子燒
坐吧枱可以同師傅互動
卡位私隱度高又舒適
火舞町
地址: 紅磡黃埔天地百合苑商場(第9期) 地下九號水產5號舖
電話: 23367997