陳坤讚周迅像光一樣美　網民嘆：為何不能成戀人？

內地男星陳坤與周迅相知相交20多年，係圈中公認嘅好友，如果話「有一種友誼叫黃翠如和洪永城」，咁陳坤同周迅就一定係內地代表。陳坤就喺社交網晒出周迅嘅新相，更不吝嗇對周迅呢位紅顏知己嘅讚美：「像光一樣美！」唔少網民都大讚佢哋呢份友情係「神仙友誼」，話喺圈中實屬難得！

陳坤有幾鍾情周迅？佢之前喺訪問曾講過：「小迅甩也甩不掉，你也甩不掉我，樓上樓下住着，這種愛像兄弟姊妹的愛，或者有一點是甚麼，你做甚麼我都愛你！」網民都話佢哋其實先係絕配，可惜唔能夠成為戀人。