歐陽妙芝細仔商場跳舞　做跟得媽咪全程拍片直擊

名模歐陽妙芝的細仔Atilla現年15歲，不止樣子有點韓仔Feel，近年他跟志同道合的同學組成舞蹈組合「CLOUD 9」大跳K-Pop，近日組合應商場之邀表演跳舞，可謂英雄出少年，吸引大批同學與家長支持，現場氣氛熱烈。

妙芝做跟得媽咪全程拍片直擊，妙芝表示細仔小時候學過4年芭蕾舞，但K-Pop則是無師自通：「佢同幾個同學一齊睇網上視頻自學跳K-Pop，後來佢喺學校成立咗個K-Pop舞蹈會，組織同學喺校內表演，跟住佢同幾個同學一齊組成舞蹈組合出去參加公開亞洲比賽攞咗冠軍，係佢哋自己一手一腳排舞、化妝同設計造型，今次好幸運咁得到商場邀請喺活動表演，跳咗3隻舞。」妙芝稱今次是個很好的經驗，小朋友有舞台讓他們演出已大感興奮及滿足。