影片
營業時間
今日營業
08:00 - 20:30
星期一至五
08:00 - 20:30
星期六至日
09:00 - 20:30
公眾假期
09:00 - 20:30
以上資料只供參考, 請與餐廳確認詳情
行完山就行商場，去太古城中心感受一下聖誕氣氛。今年的佈置果然好靚，未到聖誕已經人頭湧湧。是時候tea 一tea，揀了這間金白色的咖啡店，相信大家對這間明星店並不陌生。流線型設計，配上數張圓枱圓櫈，感覺和諧。飲品選擇不少，有幾個系列；食品就只有三款曲奇和一款蛋糕。我地要了飲品和食品各二。******************************朋友要了杯 Hot Mocha ($48/8oz) 。嘩！超複雜的獨角獸竟出現在咖啡上，真厲害！溫度合宜，入口溫暖，口感豐厚細滑，同時嚐到咖啡和可可的甘苦，兩者取得平均，亦能互相融合，非常滿意。抹茶和焙茶都見不少，玄米抹茶就很少店有，所以試了杯 Hot Genmai Matcha Tea Latte ($46/12oz) 轉脫脂好，今次咖啡師就給我一個心一個Hi，好warm呀！先聞到陣陣玄米茶香，味道都好濃，入口順滑，不苦澀，都幾特別！******************************Oatmeal raisin cranberry mochi cookie （$48）混合了燕麥、提子乾、紅莓乾，中間還有黏滑的麻糬，口感非常豐富，味道不會太甜，不錯！American cheese cake （$58）芝味濃郁，口感實在，用來伴咖啡最適合不過。------------------------------一杯咖啡/茶配一件甜品相等於一個愉快下午，這就是簡簡單單的快樂。
繼續閱讀
點左一杯Latte，平時唔點飲咖啡都可以飲得出啲咖啡豆質素好好無糖都好香好好飲 後勁好濃 價錢都非常OK 感覺比起好多大牌子厚實 店面好乾淨安靜，就算係星期日去都坐得算舒服
繼續閱讀
重要嘅嘢要講咗先，其實有時飲咖啡都會想食啲咸野，而佢終於有了，不過唔係直接係舖頭買，只要拎收據🧾行去唔洗50m就至嘅Baker by Lubuds 就有9折 (同層-太古城中心3樓307號舖) 佢嗰度有唔同嘅包，價錢仲好合理🥐今日俾同事捉咗落去飲咖啡☕️ 對咖啡無太大興趣嘅我今日竟然飲咗杯齋啡😯 落單嗰陣我問店員咩係Moses’s Craft，佢係by seasonal，店員俾我試嗅嗰咖啡粉，我已經覺得好有層次，真係好香🤪 加上佢話用呢部全港獨有嘅機沖係模擬返人手沖，減低人為失誤嘅風險‼️我就試下，今次係飲Tanzania，的確別有一番風味🤔另外佢嗰chocolate brownie真係可以一試，我覺得做得好好，但一個人食哂會有啲heavy，不妨share食😍
繼續閱讀
自從上次係度飲過佢杯棉花糖咖啡之後，我有啲愛上咗呢間舖頭😳 見到今次有埋tiramisu latte😙 同埋佢嗰甜品櫃終於有甜品‼️ 真係好開心😍佢嘅棉花糖咖啡上面啲棉花糖係世界級，唔知大家有無食過英國嘅棉花糖醬”marshmallow fluff”，佢係一樽紅蓋透明膠樽，入面有平時你燒嘢食，入面溶咗嘅棉花糖嘅口感，而呢度正正係嗰種feel，係咖啡上面加咗棉花糖，再係面整微燶🤔 一邊食一邊飲咖啡😎 正🫶🏻 絕對唔係hea住放幾粒棉花糖落去嗰種🤔另外嗰杯tiramisu latte，staff叫我可以試兩種口感，先試一啖飲嗰面，再溝勻飲，兩種唔同口感，我自己就中意係嗰面度飲，層次感十足，好似真係食緊tiramisu咁😍整體嚟講，不特別對咖啡有愛好嘅我，都覺得好正🫶🏻
繼續閱讀
本身都見好多人但咁岩又有位，所以終於都試到呢個限定既tiramisu latte。店員好好咁提醒頭幾啖唔好用飲管可以飲到濃厚啲既cream。真心第一啖已經好有驚喜，真係好似食緊個tiramisu咁，芝士同咖啡粉好濃，之後再飲佢既咖啡都好香同幼滑！老婆就飲凍朱古力，味道都係好濃郁而且就算係凍既都唔會好快沖淡味道，入口香滑！另外仲食左cheese cake同埋呢個濃郁郁brownie，真心幾好食而且唔會太甜太重口味，配合埋咖啡好夾！
繼續閱讀