田蕊妮女人40終極全裸！
視后田蕊妮絕密全裸照流出！為帶出新碟的真我概念，除在裸體上化上人體彩繪外，亦即興影了輯身上「零添加」的噴血相作私藏，由於效果震撼又配合到唱片主題，故臨時加印在碟內，她說：「係最大膽一次，或係最後一次。」
田蕊妮在勁歌頒獎禮中奪「傑出表現獎」金獎後，為向「HiFi天后」之路進發，實行瞓身豁出去，全裸上陣拍《Saturnian》唱片封套，在身上用人體彩繪寫上「Anger 、Jealousy、Passion及Relax and Let」等字眼帶出新碟主題，大膽程度令人咋舌。但在拍攝人體彩繪前，攝影師見她體態完美，臨時提議她影裸照，安排她躲在黑布後再露出胴體及絕世靚腿，而另一個甫士則是屈膝橫抱，用手腳遮敏感部位。
老公冇時間操刀
昨日阿田在電話中表示：「呢輯黑白相本來係諗住影嚟玩吓，唔會公開，但效果好好，先加喺唱片度。（因影呢輯相而患流感？）唔係，去年九月影嘅，唱片籌備咗成年o架啦。」問到在人前一絲不掛可感尷尬？她說：「冇喎，因為係女攝影師又係朋友，本來諗住搵我老公（杜汶澤）影呢輯封套相，但佢唔得閒。（再搵老公影多輯？）唔會啦，暫時唔會諗亦都唔會影寫真之類，不過老公讚啲相好靚。」她強調今次絕非為裸而裸，只是想帶出40年來累積很多經歷與經驗，某程度上着了無形的盔甲自我保護，去年突然覺得要打破盔甲，呈現最真的自己。
升呢一姐寫感受
在新碟中她收錄了講40歲的《半段路》、送給媽媽的《最親》及講婚姻關係的《兩口子》等新歌，且在碟中親筆撰文寫感受，但她表示作曲、填詞太高難度，故會專心唱歌，現最期望可以舉行音樂會。而阿田的星娛樂唱片公司執行董事朱先生表示：「阿田係我哋唱片公司一姐，張碟投資咗七位數，嚟緊會幫佢搞音樂會。」
此外，唱片公司發聲明，指近日發現自稱Sam Cheung的男子冒認公司代理人，在社交平台疑行騙金錢，故出聲明以正視聽。