【now.com】香港人終於有多一個選擇了，ViuTV免費電視將於4月6日正式開台！3月31日會先透過固網傳送，使用數碼電視的觀眾可於4月2日起重新搜台，透過大氣電波接收ViuTV 99台的訊號。
ViuTV今日在尖沙咀舉行節目發佈會，由香港電視娛樂有限公司ViuTV總經理魯庭暉公佈一系列的節目內容。他表示會打破固有電視慣例，將黃金時段定為每晚6點至凌晨12點45分，於黃金時段內每夜播放不同電視節目。
除了主打實況娛樂節目和自家劇集，亦有保證是「一線」的外購戲劇和動畫，如韓劇《太陽的後裔》、動畫《美少女戰士Crystal》，體育方面有西甲直播、國際七人欖球賽直播等。另外會有晨早新聞、午間新聞、晚間新聞分為6時和8時兩段，每日有4段財經節目，並強調全部節目都是繁體字幕。
娛樂綜藝節目如下：
1／《跟住矛盾去旅行》
有別於一般旅遊節目，要兩個水火不容的死敵同行，最先登場的長毛梁國雄和曾鈺成的波蘭之旅，另外的配對還有林日曦和蔣麗芸、邵音音和戴夢夢、連詩雅和葉蘊儀、何韻詩和高晧正、海星校長和補習天后Amanda。
2／《G1格鬥會》
由全女班組成的真人格鬥節目，8位女藝人會以MMA在台上競技，睇預告片真係打得好狼死。
3／《Barter Game價值連城》
都是明星的旅遊節目，但分毫不給，一日三餐要他們用以物易物方式去解決，拍攝藝人包括任賢齊、梁漢文、劉心悠、林二汶、Eric Kwok和駱振偉。
4／《慳啲啦 Honey》
找來四對普通情侶，通過不同考驗去羸取終極獎金。
5／《煮吧！換左我阿媽》
一班媽媽和子女一齊去外國拍煮食比賽，到場後所有人來個大對換，阿媽和子女被分到不同組別。阿媽贏，仔女就會輸，佢哋會點抉擇？
6／《同2047特首上學去》
幾位藝人如馬浚偉、卓韻芝、鄒凱光等，會潛入小學和一班小學生一齊生活，體驗吓30年後的社會棟樑係咩樣。
採訪：何愫盈
攝影：馮翠怡、何愫盈
