組合農夫成員陸永與老婆Reina，2011年結婚，育有兩個可愛囡囡Hannah同Simsim，兩公婆平時好鍾意同網友開心share生活大小事。Reina的instagram更坐擁136k followers，大家除了關注Hannah同Simsim的搞笑生活趣事，亦都喜歡睇兩公婆「耍花槍」，因為陸永經常在Reina的相片亂入冧爆留言，閃盲大眾！
登入 瀏覽本網站，可獲取積分換領專屬優惠
點擊查看專屬優惠
絕技一：IG留言 甜言蜜語攻勢
世上無女人會聽厭甜蜜說話！口才叻轉數快的陸永「冧老婆」無難度，最近就示範了一招言語攻勢冧爆老婆。話說Reina最近在Instagram放了一張陸永抱著大女Hannah的照片，寫道：「如果我仲有能力抱得起Hannah嘅話… 影相嗰個點會係我？#駛唔駛咁嗲 #駛唔駛咁冧」表面看好像是在吃醋，字裡行間卻在撒嬌，陸永見狀，立即在相下留言回應老婆：「如果hannah有能力影張靚相，呢張相我抱住嗰個點會係佢？」大玩語言藝術，老婆永遠排第一，so sweet，可謂完美放閃！
絕技一：IG留言 甜言蜜語攻勢
陸永：「請好好珍惜肯跟你在車上吃燒味飯的女人。
@missussix
#係佢要求食嘅
#仲好」
絕技二：緊貼老婆大小心情
作為藝人，陸永開工時間唔定，好忙又要成日飛。但這位愛家男，等埋位一有空，就睇老婆IG，經常「亂入」老婆IG留言，像是回應老婆的生活點滴，告訴她自己一直在陪伴著她，這種重視，當然能給予女人最大的安全感。
例如，Reina有一日話：「太攰太早瞓，所以太早醒。。。起身買早餐，順便接收工！」陸永即刻留言：「由原本call車返屋企食杯面變到有司機送加買早餐，i love u」
之前兩位「賣甩」囡囡，同朋友去旅行，Reina喪shopping：「成日都要另外兩對團友喺舖頭外面等我行街買嘢，真係好大壓力... 所以今日離團一日！ #想自己一個行街多啲 #你有壓力我有壓力 #或者陸生易容 #或者陸生唔帶帽唔帶眼鏡 #你個樣需要帶頭套woh #講完咁多嘢都要講返句辛苦曬」陸永當然唔介意陪老婆啦，仲話：「唔辛苦，你買嘅所有嘢唔係家品就係俾兩個囡嘅，就算幫你拎嘢行足八個鐘同你相比都未夠偉大同無私」每分每秒緊記老婆的付出，感謝她把屋企打理得井井有條，尊重和愛錫她，仲唔係100分老公？
絕技三：製造驚喜
陸永當年同Reina拍拖半年左右就結婚，而「1111」光棍節，更是他們的拍拖紀念日。每逢拍拖、結婚紀念日，陸永都會花點心思，為老婆送上surprise 。
2016年結婚5周年紀念，計仔多多的陸永安排了浪漫驚喜氹老婆開心！「突然一束花，突然一首歌，突然一隻鑽戒，突然一大班人，突然被求婚。#五週年快樂」！原來陸永一直對沒向Reina正式求婚而耿耿於懷，婚後5年來個求婚驚喜，Reina當然感動！
絕技四：永遠撐老婆
面對人生大小事，永遠有人支持自己，做最強後盾，呢種感覺無得頂，而陸永就源源不絕提供這股力量給Reina。話說有一次出街，Hannah好急突然話要去廁所，Reina見殘廁有位，就帶Hannah入去，點知出到黎比人話，「咁大個都仲用呢個廁所！」網上討論紛紛，而陸永就話：「人之常情啫！」
去年11月，Reina座駕被撞，肇事車主4個月仲未賠錢，搞到好勞氣，陸永留言：「我叫你搵佢，你都話等過埋初十五先追，仁至義盡喇，唔駛勞氣。」愛妻心切！
兩人都超錫一對女兒！
絕技五：唔介意做低能野
有次陸永出trip，要離開屋企十幾日。陸永緊係知老婆唔捨得自己，所以就用一個特別嘅方法去日日見老婆。就係同好多情侶一樣，將手機嘅screen lock wallpaper 轉成另一半嘅相，仲逼Reina都轉埋佢個樣做Wallpaper。陸永話：「臨走前逼我老婆整個咁嘅wallpaper，容許我發一次老姣。I miss you @missussix #抄人地嘅 #但我非常滿意 #保重喇！」真係放閃無極限！
絕技六：派朋友上門同老婆解悶
之前，Reina阿爸欠下巨債，陸永為幫岳父填氹，要密密工作賺錢，同時又擔心Reina的情緒，要安慰和開解她。那陣子，他又剛好要到意大利拍攝《Do姐再shopping 》，即使人不在港，仍擔心老婆冇人睇住，所以在出發前安排一班朋友輪流上屋企陪伴Reina，包括叫黃翠如陪陸太打邊爐，安排好節目，又日日打電話畀老婆視像傾偈，細心又貼心。