陳法拉再度參演荷李活電影 夥金球影帝哥連費路擔正新戲

陳法拉今年三月中先宣布誕下第二胎，同外籍老公擁有ㄧ子一女，成功湊成好字。家庭幸福美滿嘅法拉，完全冇忽略演藝事業，據外國傳媒Deadline報導，陳法拉即將加盟電影《The Ballad of a Small Player》，並擔任女主角，而男主角係金球獎影帝哥連費路(Colin Farrell)，電影更請到奧斯卡金像獎最佳女配角泰達·史雲頓 (Tilda Swinton) 特別演出。

陳法拉今年三月中先宣布誕下第二胎，同外籍老公擁有ㄧ子一女，成功湊成好字。家庭幸福美滿嘅法拉，完全冇忽略演藝事業。

三人將於電影中切磋演技，而呢部電影亦係法拉繼全球大賣嘅《尚氣與十環幫傳奇》(Shang-chi and the Legend of the Ten Rings) 以及《哥斯拉 ✕ 金剛：新帝國》(Godzilla x Kong: The New Empire) 之後拍攝嘅第三部荷李活電影。

法拉即將加盟電影《The Ballad of a Small Player》並擔任女主角。

電影由德國導演愛德華·伯格 (Edward Berge)執導，佢於2022年執導嘅戰爭片《西線無戰事》(All Quiet on the Western Front)，榮獲奧斯卡最佳外語片丶最佳攝影丶最佳配樂以及最佳美術指導，佢仲憑呢部電影贏得英國電影學院獎最佳導演以及最佳改編劇本，而呢部電影總共喺英國電影學院獎贏得包括最佳影片在內嘅七個大獎。

陳法拉再度參演荷里活電影孖哥連費路擔正《西線無戰事》 導演新作。

《The Ballad Of A Small Player》改編自同名暢銷小說，故事講述一名賭徒飽歷滄桑同面對債務困擾，於是決定去澳門生活，與此同時卻遇到一位有機會拯救佢嘅人。電影預計今年暑假正式開拍，並會喺亞洲取景。
42歲陳法拉於3月宣布再為人母無預警誕下細仔。