【ViuTV】王宗堯新劇演賤男引人爆粗 回應戀情：同Chloe保持正常
撰文：鄺鈺瑩
出版：更新：
收音問題搞到好幾次NG，王宗堯同Coffee食完又食，Coffee重食到唔願給工作人員收碟。（鄺鈺瑩攝）
和尚點解可以大魚大肉？王宗堯話係因為lunch break喎。賤得夠入戲！（鄺鈺瑩攝）
王宗堯於ViuTV新劇《賤民20》中飾演絕世賤男一名，到底有幾賤？話說佢憑住投資炒賣而變得身家豐厚，及後大起大落至負資產，迫阿媽入老人院後再進駐公屋……王宗堯昨日於西環咖啡店開工，一身和尚打扮的他，原來係約咗飾演佢前妻的林芊紓（Coffee）見面。劇情講述Coffee告知王宗堯將會再婚並把昔日訂情名錶交還，王宗堯看到該錶後老實不客氣地收下兼大講佛經，瞬即令Coffee吐出：「Fxxk you！」迫他收口，並着他凡事不要去得太盡，免得將來「PK」。由於咖啡店靠近馬路邊，所以拍攝時不時受到影響，換言之，王宗堯亦被問候了好幾次，場面頗為搞笑。
王宗堯指自己與角色最似的地方，就係「大家都係男人」而現實中，他指自己不太會保留前度的禮物，並謂有需要先會留。至於能否與前度們再見亦是朋友，王宗堯就好輕鬆咁話：「通常分手後關係都保持得幾好，正常來說都唔會去到敵人階段。」一句講晒：「神級命水！」
Coffee話自己早入行，常常被人笑稱做「Coffee姐」，不過她就不抗拒演前妻、媽媽等角色。（鄺鈺瑩攝）
今日拍的場口，是得知Coffee再婚且係嫁老外後，王宗堯大方送上祝福。（鄺鈺瑩攝）
提到近日有傳與As One成員Chloe（蘇皓兒）過從甚密，男神就話大家係朋友關係，而且唔係識咗好耐，但問到感情狀況時，他的回應是：「保持正常。」係正常而非空白，明未？
說回新片，王宗堯於劇中賤事做盡，Coffee亦唔輸蝕玩出軌。不過現實中，Coffee就話絕對唔接受另一半出軌。「就算而家有追求者，我都好直接咁同對方講已經有男朋友。」她又表示與男友已有結婚共識，因為想有仔趁早生。「自己係福建人，父母又早婚，所以曾經都想20歲就結婚，細個完全無事業心。」天性樂觀的她，對愛情其實都幾積極。