如期開騷 鄧建明個唱群星拱照

鄧建明（Joey）前晚在九展舉行演唱會，並邀請陳慧琳（Kelly）、李克勤、蘇永康、鄭中基等擔任嘉賓，Joey全晚換了十支結他，又與嘉賓們合唱多首經典歌。他和Kelly合唱完《嚴重》和《風花雪》後，Kelly表示︰「如果當日唔係Joey哥喺我試音時話OK，我今日都唔會企喺度。」她指Joey外表又cool又惡，但其實很好人。克勤出場時笑言︰「我同Joey識咗幾十年，無諗過佢表演時原來咁多表情。」他指Joey當年在錄音室第一首錄製的結他彈奏，正是《紅日》。

Joey完騷後接受訪問，他透露曾有想過將個唱延期，但最快要到明年四月，而且之前相士都說這日是好日子，所以決定如期進行，更笑指今次個唱碌盡人情卡︰「全部嘉賓都喺音樂上有合作，好有淵源，好多謝佢哋嚟支持。」