Karthigai Deepam: ‘ரம்யாவிற்கு கார்த்திக் சட்டையா; வியர்வையை நுகர வைத்த காதல்; கடுகடுத்த தீபா; கார்த்திகை தீபம் அப்டேட்
Karthigai Deepam: மறுபக்கம் ரம்யா, கார்த்திக் பெயரில் கிஃப்டாக வந்த புடவையை அணிந்து, அப்பாவிடம் காட்டி சந்தோசப்படுகிறாள். பிறகு அதே புடவையில், கம்பெனிக்கு வந்து கார்த்திக் முன்னாடி நடந்து காட்டி சந்தோசப்படுகிறாள். - கார்த்திகை தீபம் அப்டேட்
Karthigai Deepam: மிஷினில் மாட்டிய புடவை.. ரம்யாவை காப்பாற்றிய சட்டையை கழட்டி கொடுத்த கார்த்திக் - கார்த்திகை தீபம் இன்றைய எபிசோட் அப்டேட்!
ட்ரெண்டிங் செய்திகள்
தமிழ் சின்னத்திரையில் ஜீ தமிழ் தொலைக்காட்சியில், தினமும் இரவு 9 மணிக்கு ஒளிபரப்பாகி வரும் பிரபலமான சீரியல் கார்த்திகை தீபம். இந்த சீரியலின் நேற்றைய எபிசோடில், பூஜையறையில் சீலிங் இடிந்து விழுந்து, கருநாகம் வெளியே வர ஜோசியர் இந்த வீட்டில் கொஞ்ச நாளைக்கு யாரும் இருக்க கூடாது என்று சொல்லிய நிலையில், இன்று நடக்க போவது என்ன என்பது குறித்து பார்க்கலாம் வாங்க.
ஐஸ்வர்யா தீட்டிய சதிதிட்டம்
அபிராமி ஜோசியர் இப்படி சொன்னதால், கொஞ்ச நாளைக்கு இந்த வீட்டில் இருக்க வேண்டாம், பழைய வீட்டிற்கு போகலாம், அந்த வீட்டை ரெடி பண்ண சொல்லுங்க என்று சொல்கிறாள். அதை தொடர்ந்து, ஐஸ்வர்யா கொத்தனாரையும் பாம்பை விட்டவனையும் வர வைத்து, சொன்ன வேலையை கச்சிதமா முடிச்சிடீங்க, இந்தாங்க பணம் என்று கொடுத்து அனுப்புகிறாள்.
மறுபக்கம் ரம்யா, கார்த்திக் பெயரில் கிஃப்டாக வந்த புடவையை அணிந்து, அப்பாவிடம் காட்டி சந்தோசப்படுகிறாள். பிறகு அதே புடவையில், கம்பெனிக்கு வந்து கார்த்திக் முன்னாடி நடந்து காட்டி சந்தோசப்படுகிறாள். ஆனால், கார்த்திக் அதை பெரிதாக எடுத்துக் கொள்ளாமல் இருக்கிறான். பிறகு ரம்யா ரவுண்ட்ஸ் போகும் போது, சேரி மிஷின் ஒன்றில் மாட்டி கொள்ள, கார்த்திக் ரம்யாவை காப்பாற்றி, அவளுக்கு தன்னுடைய சட்டையை கழட்டி கொடுக்கிறான்.
கடுப்பாகிய தீபா
இதனால் ரம்யாவுக்கு கார்த்திக் மீது காதல் அதிகமாக, அவள் அந்த சட்டையை முகர்ந்து பார்த்து சந்தோசப்படுகிறாள். பிறகு கார்த்திக் வீட்டிற்கு வர, தீபா சட்டையை பற்றிக் கேட்கிறாள். கார்த்திக் நடந்ததைச் சொல்ல, நீங்க எப்படி உங்க சட்டையை கழட்டி கொடுக்கலாம்.
ஒரு ஆம்பளையோட சட்டையை ஒன்னு தங்கச்சி போடணும், இல்லனா பொண்டாட்டி போடணும் என்று கோபப்படுகிறாள். இப்படியான நிலையில் அடுத்து நடக்க போவது என்ன என்பது குறித்து அறிய கார்த்திகை தீபம் சீரியலை உங்கள் ஜீ தமிழ் தொலைக்காட்சியில் காண தவறாதீர்கள்.
நேற்று நடந்தது என்ன?
ரம்யா ஹாஸ்பிடலுக்கு ஓடி வந்து அப்பா பெயரை சொல்லி விசாரிக்க, ரிஷப்ஷனில் அப்படி யாரும் அட்மிட் ஆகவில்லை என்று சொல்லப்பட்டது. இதனையடுத்து ரம்யா வீட்டிற்கு ஓடி வர, அங்கே அப்பா சாதாரணமாக உட்கார்ந்திருப்பதை பார்த்தாள். ரம்யாவை பார்த்த அவர், ஏன்மா என்னாச்சு எதுக்கு இப்படி பதற்றமாக வர என்று விசாரிக்க, நடந்த விஷயத்தை சொன்னாள்.
பின்னாடியே வீட்டிற்கு வரும் தீபா, ரம்யாவுக்கு உங்களுக்கு ஆக்சிடென்ட்னு போன் வந்துச்சு, உங்களுக்கு ஒன்னும் இல்லையே என்று ரம்யா அப்பாவிடம் விசாரித்தாள். அவர் எனக்கு எதுவும் இல்ல; உங்களுக்கு அப்படி யார் போன் பண்ணி இருப்பா என்று கேட்க, ரம்யா போன் வந்த நம்பருக்கு திருப்பி கூப்பிட்டாள். ஆனால், அங்கு போன் சுவிட்ச் ஆப் என வந்தது.
மறுபக்கம் ரியாவும், ஐஸ்வர்யாவும் கார்த்திக், தீபாவின் புருஷன் என்பது ரம்யாவுக்கு தெரியக்கூடாது. இந்த திருமண நாள் கொண்டாட்டத்தில் கார்த்திக், ரம்யா மீட் பண்ணிக்கவே கூடாது என்று திட்டம் போட்டனர். இதைத்தொடர்ந்து அபிராமி, ஜவுளிக்கடைக்கார் ஒருவரிடம், புடவைகளை எடுத்து வர சொல்லி, தீபாவை கூப்பிட்டு, பிடித்த புடவையை எடுக்க சொன்னாள்.
தீபா புடவையை தேர்வு செய்ய போகும் சமயத்தில், பூஜையறையில் இருந்து திடீரென்று ஏதோ சத்தம் கேட்டது. ஓடி வந்து பார்க்கும் போது, பூஜை அறையின் சீலிங் உடைந்து விழுந்தது தெரிய வந்தது. அங்கே ஒரு கருநாகமும் இருக்க, அதை பார்த்து அனைவரும் அதிர்ச்சி அடைந்தனர். இதனையடுத்து, ஏதோ அபசகுணமாக தெரியுது என்று ஜோசியரை வீட்டிற்கு வர வைத்தனர்.
வீட்டிற்கு வந்த ஜோசியர், கொஞ்ச நாளைக்கு நீங்க யாரும் இந்த வீட்டில் இருக்கக்கூடாது. மேலும், இந்த வீட்டில் நல்ல காரியம் எதுவும் நடக்க கூடாது எனவும் சொல்கிறார். இதனால் அனைவரும் அதிர்ச்சி அடைந்தனர்.
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:
டாபிக்ஸ்