Marrëveshja e emigrantëve, Rama: Nëse gabon qeveria italiane, ne marrim pjesë pa asnjë ngurrim! 5 Qershor, 13:55 ...
"Marrëveshja për emigrantët, model për vendet e tjera të BE-së", Meloni në Shqipëri, REL: Ja çfar...
Blerina Bala dha dorëheqjen/ Kush janë dy emrat që diskutohen të marrin drejtimin e bashkisë së Himarës? 5 ...
Zjarri në pikën e makinave me qira në Kamëz, shoqërohen 4 persona, çfarë kapën kamerat e sigurisë...
Bëhet fjalë për 35.9% të rekomandimeve, teksa 16.6% janë në proces zbatimi.
TIRANA- Raporti i monitorimit i Këshillit të Investimeve për vitin 2023 zbulon se një pjesë e rekomandimeve të bëra ndaj institucioneve mbeten të pazbatuara, edhe pse kjo përqindje nuk përbën shumicën. Bëhet fjalë për 35.9% të rekomandimeve, teksa 16.6% janë në proces zbatimi. Publikimi, megjithatë, nënvizon se shumica e rekomandimeve janë zbatuar.
“Rekomandimet e miratuara në Kl, synojnë ndërhyrje në pesë nivele: i) Strategjike, (ii) Institucionale, iii) Ligjore, (iv) Transparencë e Ndërgjegjësim, (v) Politika. Një pjesë e konsiderueshme e këtyre rekomandimeve (42%) adresojnë nevojën për ndryshime institucionale dhe vënien e theksit në mënyrë të vazhdueshëm në drejtim të stabilizimit dhe qëndrueshmërisë së institucioneve, koordinimit ndërinstitucional dhe një vizioni të përbashkët integrues, ngritje të kapaciteteve të strukturave operacionale dhe rritjen e standardit të cilësisë së shërbimeve publike. Pra nënvizohet rëndësia e një angazhimi të vazhdueshëm për të forcuar kornizat institucionale dhe efikasitetin operacional brenda kontekstit më të gjerë të rekomandimeve”, thuhet në raport.
I njëjti dokument nënvizon se rreth 13% e totalit të rekomandimeve janë sugjeruar nga anëtarët e Kl-së, nga bashkëveprimi në mbledhjet plenare të Kl-së, ndërsa 87% bazohen në analizat paraprake të ndërmarra nga ekipi i Sekretariatit. Raporti sjell në vëmendje disa nga hapat pozitivë që janë hedhur që kanë ndikim në sektorë të rëndësishëm si bujqësia, turizmi, energjia, përmirësimi i aksesit në fonde për ndërmarrjet e vogla dhe të mesme. Konkretisht në këtë kontekst renditen ndryshime të tilla të nxitura nga Këshilli i Investimeve si:
Përpjekjet për të krijuar një mjedis më të favorshëm për sektorin e bujqësisë duke promovuar aktivitetet e agropërpunimit me vlerë të shtuar; mbështetja permes skemave kombëtare të mbështetjes financiare, pajisjes me karta elektronike, subvencionimit të naftës për fermerët si instrumente për të nxitur formalizimin dhe investimet e tyre.
Intensifikimi i potencialit turistik shqiptar nëpërmjet rritjes së promovimit në disa kanale në kontekstin ndërkombëtar.
Ndërhyrjet legjislative në sektorin e energjisë me synim nxitjen e adoptimit të gjerë të energjisë së rinovueshme në Shqipëri.
Përmirësime në kapacitetin institucional te AIDA, në drejtim të përmirësimit të aksesit në fonde për NMVM-te, nëpërmjet thjeshtimit dhe koordinimit më të mirë të informacionit për projektet/programet mbështetëse financiare për NMVM-të dhe një mbështetje e synuar për procesin e ndërkombëtarizimit të sipërmarrjeve.
Ndërhyrjet për përmirësimin e procedurave doganore, përmes publikimit të listës së përditësuar të çmimeve të referencës; ngritjen e një strukturë të dedikuar për të ofruar asistence dhe komunikim të vazhdueshëm me operatorët ekonomikë dhe shoqatat e biznesit; ndërtimin e ambienteve të përshtatshme për kontroll fizik pranë degëve doganore; publikimi i konsultimeve me përfaqësues te biznesit; krijimi i Platformës Dixhitale të Rimbursimit të TVSH-së, duke rritur kërkesat online për rimbursimin e TVSH-së.
Nxitja e punësimit përmes subvencionimit të bizneseve në drejtim të punësimit të punëkërkuesve të papunë;
Nxitja e tregtisë elektronike për NMVM-të, përmes (a) zbatimit të formave
alternative të kleringut për transfertat lokale në euro për të reduktuar kostot e larta të ngarkuara nga rrjeti bankar korrespondent dhe për të lehtësuar e-biznesin, (b) promovimit të tregtisë elektronike për ofrimin e shërbimeve/produkteve ne mënyrë të qëndrueshme, (c) harmonizimi i te dhënave statistikore kombëtare që i referohen nivelit të përdorimit dhe aksesit në TIK nga bizneset, (d) prioritizimi i dixhitalizimit dhe përshpejtimi i mbulimit kombëtar me internet broadband;
Forcimi i ndërveprimit bashki-biznes përmes përmirësimit të transparencës së bashkive; lehtësimit të qasjes në informacion përmes një seksioni të dedikuar për ankesat administrative; forcimi i kapaciteteve të bashkive për përgatitjen periodike efikase të raporteve financiare.
Përmirësimi i cilësisë së shërbimeve online të ofruara nëpërmjet platformës elektronike për lejet e ndërtimit./ Monitor
Foto nga shpërthimi TIRANË - Prokuroria e Posaçme, SPAK ka kërkuar riekspektim për shpërthimin e fuqishëm që ndod...
Foto ilustruese BERAT- Treguesit demografikë janë përkeqësuar ndjeshëm pas pandemisë. Përveç rritjes së paza...
foto ilustruese TIRANË- Arrestohet një 45-vjeçar në Kamëz për dhunë në familje. Mësohet se Roland Demaj...
Bardha Marku DURRËS- Detaje të reja janë zbardhur nga ngjarja e Durrësit ku babai mbajti peng me armë në duar fëmijë...
Azgan Mërnica, Novruz Cenalia FIER - Një tjetër dëshmi është zbardhur nga autori i vrasjes së efektivit të "Shqipon...
Foto ilustruese TIRANA- Katër muajt e parë të vitit kanë shënuar rritje të dukshme të mjeteve elektrike të regjistr...
Foto ilustruese TIRANË - Një 40-vjeçar, administrator i një firme që merret me dezinfektimin e ambjenteve është proced...
Harta BALLKANI- "Rruga e Ballkanit Perëndimor" njohu rënien më të madhe të kalimeve të migrantëve të parregullt dre...
foto ilustruese FIER- Arrestohen dy të shpallur në kërkim dhe procedohen tre persona të tjerë në Fier. Mësohet se 2...
HIMARË- Banorët e fshatrave që shtrihen përgjatë luginës së lumit Shushica kanë nisur një peticion simbolik kund&...
