Jennifer Lopez po kritikohet kudo në rrjet për shkak të sjelljes së saj shpërfillëse ndaj një gazetareje në Met Gala-në e së hënës, ku ajo shërbeu si një nga bashkëkryesueset e eventit vjetor të modës. Të mërkurën, redaktorja e lartë e lajmeve të “USA Today”, Anika Reed shpërndau një video në TikTok të 54-vjeçares duke i dhënë asaj një përgjigje shumë të prerë ndaj pyetjes: “Çfarë ke veshur sonte?”
“Schiaparelli”, u përgjigj ajo teksa ecte në shkallët e famshme të Met Gala, ku po i bërtisnin më shumë se 20 gazetarë në të dy anët e tapetit, shkruan DailyMail.
Përdoruesit e rrjeteve sociale kritikuan krijuesen e hitit “Let’s Get Loud” pasi në video u duk qartë se foli me gazetaren sikur të ishte ‘fshatare’.
“Kjo është Jenny jonë e përulur nga Blloku”, tha një tjetër, duke u tallur me këngën hit të vitit 2002, në të cilën ajo këndon se si nuk do t’i harrojë kurrë rrënjët e saj të thjeshta, pavarësisht famës dhe pasurisë së saj.