母親大人壽辰🎂，適逢又母親節將近，當然要隆重策劃，帶媽媽食好西，好好慶祝🎉🥳

凱悅軒稱得上五星級嘅飲茶勝地，優雅嘅用餐環境，傳統風味嘅經典點心，招牌菜式，時令佳餚，為饗客呈獻一系列難以忘懷的經典招牌菜。餐廳設有點心放題，由早上10點起供應，享用時間長達120分鐘，有各式各樣嘅精緻點心、小食、甜點，共20多款，佢地馳名嘅蜜汁叉燒、筍尖蝦餃皇、飛魚子燒賣必食🤤🤤🤤

Dim Sum ~~
蜜汁叉燒🌟🌟🌟🌟🌟
肉鬆豆腐
桂花蓮藕片🌟🌟🌟
椒鹽雞軟骨🌟🌟🌟🌟
筍尖蝦餃皇🌟🌟🌟🌟
姬松茸素粉果
飛魚子燒賣🌟🌟🌟🌟
糖醋鮮蝦雲吞
山藥甘筍鮮蝦水晶包
味醬金錢肚
芒果沙律蝦角🌟🌟🌟🌟
蜜汁叉燒包
上湯牛肉球
蜆蚧鯪魚球
香煎臘味蘿蔔包🌟🌟🌟
芝士蝦春卷🌟🌟🌟🌟
鹹水角
白灼時令蔬菜
瑤柱北菇滑雞粥
山楂凍糕

整體而言，食物質素十分高👍，食材用料新鮮👍，馳名嘅蜜汁叉燒冇得輸💯，家人encore了2次😋，用膳環境寛敞舒適👍，加上服務員非常有禮👍，家人非常滿意👏，值得再三到訪😚

退休後的生活比想像中更多彩多姿，每隔一段時間又會同朋友聚下，早排就去了尖沙咀 Hyatt Regency 的凱悅軒。

其實凱悅軒真係好就腳，樓下就係尖沙咀地鐵站，就算打10號風球都可以無有怕，超方便。

來了多次，依然很喜歡這裡的蜜汁叉燒，簡單直接，沒過多蜜汁，邊位焦香而有嚼口，吃得痛快，尤其是加碗白飯更是美味。

可能近月蠔類肥美，凱悅軒推出以蠔作主題的［蠔門盛宴］。

蜜香柚子蠔
以薄脆漿包裹生蠔炸得香口，外層是黃色脆漿，內裡是軟熟多汁的生蠔，再澆上一層柚子汁，清香怡人，可以的話，佐酒更一流。

X.O.醬蝦乾小炒蠔
其實感覺似係小炒皇，但以爽蠔作主調，加上大大隻蝦乾，伴以蒜心同芋絲，非常香口，同柚子蠔一樣，送酒好啱。

沙薑乾煏鴛鴦蠔煲
好特別的處理手法，以沙薑去焗生蠔同金蠔，兩者吸收了沙薑汁，變得好惹味，食之前再淋上威士忌酒，然後點火，令蠔肉多了一份酒香，兩種蠔又各自有不同質感，好正。

瑤柱海皇魚湯泡飯
作為澱粉質怪，個人實在好喜歡單尾，在家中都經常自製泡飯，今次瑤柱海皇魚湯泡飯湯底已經好鮮甜，仲要加埋帶子肉、菜粒、瑤柱同蝦仁，食之前灑上脆米來增添口感，比起單純的炒粉麵飯更吸引我。

甜品
每次都會必點酥皮流沙盞，無他，因為係即叫即焗，上層酥香，下層鬆化，內裡煙韌又有流沙，變化多端，好味。

再來是香滑芝麻凍糕及家鄉茶粿，賣相毫不花巧，吃得出兒時的味道。

生果係我每日必食嘅嘢！尤其係爽甜嘅哈密瓜更加係[飛佛]，所以就食咗呢場哈密瓜特色菜嘅晚餐喇！

今次呢餐係喺尖沙咀凱悅酒店入面嘅凱悅軒食，老婆大人最鍾意嚟呢度食飯不過食夜晚我都係第一次。

第一味係果醋雪瓜皮伴魷魚仔，煙韌彈牙嘅魷魚仔都幾夠鮮味，個雪瓜皮又爽又脆加埋啲果醋食落好鬼開胃正啊喂。

跟住飲番碗熱辣辣嘅靚湯先！呢個係哈密瓜鮮鮑魚螺頭燉雞湯，入面有螺頭、鮮鮑魚、三黃雞、沙參、玉竹同埋哈密瓜，大碗到要同老婆大人兩份分。

個湯好清澈飲落好鮮嘅味仲有陣陣哈密瓜香味，重要嘅係一啲都唔油仲好*豬*潤添。

跟住呢味餸係哈密瓜沙汁虎蝦球，勁大隻嘅虎蝦真係爽彈到不得了！出面包住咗一層用哈密瓜汁整成嘅沙律醬，墊喺底嗰件哈密瓜都好好食千祈唔好放過佢！呢個味道大人同細路都一定會好鍾意。

跟住呢個就勁喇用咗刮空嘅半個哈密瓜做碟做咗呢個哈密瓜腰果海鮮盞，入面有帶子、海蝦、哈密瓜波波、蜜豆同埋香脆嘅腰果，呢個可以話係高級版嘅小炒王。

鮮味嘅帶子同海蝦仲有香甜嘅哈密瓜食落去味道好鬼清新，師傅仲加咗腰果入去令到成個餸口感更加正斗。

食到呢度係時候整碟菜俾老婆大人，佢最鍾意食芥蘭菜一於叫呢個方魚炒芥蘭俾佢嘆，芥蘭炒得爽脆好有菜香加埋啲惹味嘅方魚即刻再吸引咗。

大食嘅我點都要食個飯先夠飽肚㗎！我哋決定叫多個花膠爵士湯星斑粒泡飯。

呢個泡飯好好玩食嘅時候要加埋啲脆米落去個口感會好特別，入面仲有花膠同埋星斑粒好鬼矜貴，加埋個又香又甜嘅爵士湯真係冇得輸呀！

最後梗係要食埋哈密瓜整嘅甜品先至叫圓滿啦！呢個燕窩哈密瓜奶凍糕下層係用哈密瓜做嘅凍糕上層就係香滑奶凍，估唔到哈密瓜同奶都可以夾得到！呢個味道真係好有新鮮感。

呢個餐做到9月尾仲有記得去酒店網站訂位，咁星期一到星期五就可以有85折㗎喇。

炎炎夏日戀吃的車媽媽胃口怎也失去多少！以清甜多汁的哈密瓜及優質海鮮來入饌相信可以抵禦這悶熱的夏季，所以我便約上好友們吃了一場濃情*密*意又消暑的中菜。

為了品嚐這頓濃情*密*意的美饌我又再次來到Hyatt Regency Hong Kong, Tsim Sha Tsui的凱悅軒，好好享受由主廚黃師傅精心炮製的哈密瓜海鮮特色菜。

打頭陣的涼菜是果醋雪瓜皮伴魷魚仔＄168，用上了爽口的哈密瓜皮來炮製配襯彈牙的魷魚仔，伴以清新香甜的哈密瓜汁果醋吃下酸酸甜甜又鮮味超開胃。

吃過冷盤後侍應送上哈密瓜鮮鮑魚螺頭燉雞湯＄328/位，份量十足的燉湯我跟車爸爸分享一碗剛剛好。

湯頭內有螺頭、鮮鮑魚、三黃雞、沙參、玉竹及哈密瓜等材料，呷一口湯香甜中帶上幽幽的果香滋味好好喝耶。

緊接著上檯的是哈密瓜沙汁虎蝦球＄388，大虎蝦炸至金黃香口再裹上一層哈密瓜汁沙律醬，大虎蝦吃下超級爽彈味道鮮味甜美口感異常滿足。

繼續有西瓜盅的姊妹版本哈密瓜腰果海鮮盞＄468，以哈密瓜作盛器收藏著炒香的帶子、海蝦、哈密瓜球、蜜豆及腰果等！香脆鮮爽共冶一瓜非常豐盛的一道菜式。

最愛這兒的方魚炒芥蘭＄228每條也是揀手的菜遠，炒至爽度恰好菜香味濃配襯方魚的鹹香味道很是惹味。

主食我們得到花膠爵士湯星斑粒泡飯＄418，以濃香甜美的爵士湯配以清新哈密瓜、煙韌花膠及鮮嫩的東星斑粒，吃時加入脆卜卜香噴噴的炸米口感跟味道也得到滿分。

甜品也用上主角來製作成燕窩哈密瓜奶凍糕＄128/4件，底層是清甜的哈密瓜凍糕而上層則是香滑的奶凍，再綴以矜貴養顏的燕窩味道清甜可口誘人萬分。

最後還點多碗足料味濃的桑寄生蓮子百合茶＄50跟車爸爸分享，鹹甜胃此刻也表示非常滿足沒投訴了哈哈。

凱悅軒全新夏日哈密瓜海鮮菜單由即日起至9月30日供應，於星期一至五晚市來品嚐更可享八五折優惠，記得都酒店官網訂座索取折扣啊。

豆腐可以說是很普通的有營食材，但如果懂得如何運用絕對能登上大雅之堂。

這天跟好友來到尖沙咀凱悅酒店的凱悅軒，再次來品嚐黃師傅的美味傳統手工菜好期待喔。

率先品嚐海鮮豆腐二重奏新菜單內的酸薑皮蛋伴淮山豆腐泥＄128，每一樣食材也看似是簡單但將它們結合在一起時隨即變成了非常特別的前菜，淮山混上豆腐口感很有趣，配搭我喜歡的酸薑皮蛋太合我胃口了。

第二道豆腐菜式名叫脆皮花膠伴杏汁有機黑豆豆腐＄328，師傅將花膠炸至香脆可口吃下跟炆的花膠完全是兩回事！再伴以濃香的黑豆豆腐和養顏杏汁，吃罷這個菜即時覺得皮膚溜不少呢。

緊接著當然要重溫王師傅的拿手菜式！就是這個霸氣十足的*醉龍臥雲*陳年花雕龍蝦伴粉皮＄828。

新鮮的龍蝦約重半公斤吃下啖啖肉好爽甜，伴以十五年陳釀花雕及鴨蛋黃來調味，配搭索盡美味醬汁滑溜的粉皮，這道醉龍臥雲真的令人百吃不厭。

另外我們還點上了石鍋原隻鮑魚千千層＄288/位，煙韌彈牙的鮑魚已炆至超入味而且咬口十足鮮味滿滿，墊底那件以豆皮製成的千千層吸收了鮑魚的日月精華，味道絕對不比主角鮑魚遜色喔。

這一道脆皮茶香雞＄288/半隻我們絕不陌生！甫上檯依舊充滿煙燻茶香很誘人，雞皮脆如薯片雞肉則滑溜勝雪真的太美味了。

這一刻當然要吃個蔬菜我們選了方魚炒芥蘭＄228，芥蘭每一條也是揀手的菜遠烹得口感爽脆菜香濃郁，配襯上方魚的鹹香味道清新中帶出惹味。

單尾是雙菇魚湯鴛鴦米＄98/位濃郁魚湯內有不少清香的菇菌，吃的時候再灑上脆米令這個泡飯口感更具層次。

最後當然有甜品時間好友選了蛋白杏仁茶＄55和冰花木瓜雪耳糖水＄50，而我則點想這個軟糯不黏牙的椰汁棗皇糕＄50跟大家一起甜蜜分享。

凱悅軒海鮮豆腐二重奏由即日起至6月30日供應，星期一至五於官網訂座可享85折優惠。