話說搶唔到IU演唱會飛,就諗住睇下有無人放。
然後就見到呢條女話做優惠,正價加$100就放,咁咪試吓比contact佢。見佢放晒商業登記又比晒舖頭地址,就過咗$600俾佢做訂金hold兩張飛。
然後戲肉就嚟,呢頭落左訂,條女就瘋狂打嚟,話收少左錢,又話唔去簽唱會要比多6舊,又話補左錢就會有主辦單位send email比我實名買張飛。又話自己差唔多要收工,我唔嗱嗱聲俾錢就hold唔到飛乜乜柒柒…
屌我即刻黑人問號,人地IU無搞簽唱會我都廢事講。賣飛嗰陣講到明實名制,你一條黃牛狗可以叫主辦單位改名?
臨時演員都係演員,雖然呃嗰少少錢姐都尊重下自己老千呢個身份呀大佬。
然後我唔肯再比錢同叫佢退錢,佢耍我兩野就block鳩左我。
我再上網check,
呀DLLM原來張商業登記個地址係流嘅,
呀DLLM原來呢條女已經呃左唔少人,
呀DLLM原來我咁醒目比人呃左先識fact check…
6舊水話多唔多話少唔少當買個教訓,自己無撚用搵著個偽黃牛知自己抵撚死。但醒起去睇華莎坐隔離個中學妹妹,一張飛嘅價錢分分鐘係人地死慳出嚟。呢條八婆鳩up兩句就呃走人6舊實在太缺德,麻煩認住呢條友,話埋比啲姨媽姑爹知唔好再中伏。