神耆小子｜冼靖峰小背心凸腩兼露毛形象大崩壞 粉絲：畀人睇蝕晒！
廣告
TVB劇集《神耆小子》陣容鼎盛，除咗有時隔4年再回巢拍劇嘅鄭則仕外，仲有LOONG9的香港成員妙音龍子冼靖峰（Archie）齊齊演出。冼靖峰在劇中有不少搞笑嘅戲份，而昨晚（15日）播出的新一集中，冼靖峰仲以縮水背心登場，兼且畀蕭正楠玩到扯爛埋，引起唔少fans熱議……
冼靖峰縮水背心大露肉
身為「演戲初哥」的 Archie 繼續大放笑彈，劇情講到阿勇（蕭正楠飾）不小心將一鳴的白色背心洗到縮水，穿上「縮水小背心」後的 Archie 全程尷尷尬尬、樣子趣怪喜感十足之餘，小背心還突顯了 Archie 平時收收埋埋的脹卜卜胸肌和麒麟臂，相當搶眼。Archie 與阿蕭一輪打鬧及混戰後，最終阿蕭意外扯爆小背心，令Archie 意外露點，場面爆笑。對於 Archie 的鬼馬演出，網友紛紛留言讚好：「好有喜劇細胞，喜感十足！」、「好好笑 Archie」、「努力加油一定掂」、「估唔到Archie 完全冇偶包，豁出去演出，勁！」
冼靖峰大爆小背心係臨時加碼
Archie 受訪時透露穿小背心場口是臨時加插：「所以事前冇專登操 Fit，係臨拍嘅時候先話不如着件小背心玩吓，知道要着小背心都即刻做咗幾吓掌上壓，但都冇乜用，從嗰日開始我同自己講，一定要所有嘢隨時 Ready，唔止淨係演技，身材都要 Ready！」Archie 續透露拍攝花絮：「因為件小背心得一件，所以得一次扯爛機會，爛咗就冇第二件，拍嘅時候有傾過點樣扯爛件小背心，但就冇傾扯爛之後會發生咩事，當時已經係拍攝嘅中後段，我同阿蕭都好相信大家，所以扯爛嗰吓嘅反應係最真實，希望觀眾都鍾意呢場戲啦。」
撰文：東方新地圖片來源：TVB、IG@tvbcomhk
