樂壇新人Arvin曾傲棐作為網台節目 驚喜送主持「伍詠薇人形紙牌」

Arvin曾傲棐得知伍詠薇是主持湯米的女神，便特別訂造了一個伍姑娘的人形紙牌送給對方。

英皇唱作新人曾傲棐（Arvin）昨日（5月13）推出出道作《FM520》，昨晚，Arvin為網上平台「JFFLIVE音樂擂台」擔任嘉賓，並為主持湯米（米爺）送上大驚喜。

Arvin推出出道作品《FM520》。

由於米爺於早前的音樂擂台比賽落敗，所以需要做一次音樂擂台替班，於是他便找來Arvin拍檔，由於每次上音樂擂台的歌手藝人都會帶上禮物，Arvin得知伍詠薇是米爺的女神，所以便特別訂造了一個伍姑娘的人形紙牌送給米爺。

Arvin特別訂造了一個伍姑娘的人形紙牌送給主持米爺。

進入唱歌環節前，Arvin搬出「伍姑娘」讓米爺親自「開封」，開封見到伍姑娘後，米爺立即呆着當場，定一定神後便說：「 你好有諗頭喎！你好有feel喎！」然後一直望着伍姑娘，Arvin笑道：「你望吓我啦，你唔好淨係望住佢啦！」Arvin表示有問過伍姑娘上來，米爺難以置信，「你係有問過嘅，咁癲？」他坦言沒想過有人會將自己的說話放在心上，「真係有一段時期係好仰慕伍姑娘㗎！我真係好多謝你呢份禮物！多謝你。」

米爺親自「開封」。

米爺目光離不開伍姑娘。

更直言好仰慕伍姑娘！

昨晚Arvin共唱了十多首歌，不少網民都大讚Arvin，「新人金等你」、「果然真係好勁」、「耳朵一秒懷孕」、「已沉粉」等。

觀看相關影片按連結：https://www.youtube.com/live/k9oMeBS_jjU?si=P4ynrY3R8dmsGMEU

英皇00後新人曾傲棐（Arvin）於今日（5月13日）推出出道作品《FM520》，歌曲由Jay Hong、INDY、Jaykick作曲編曲、陳詠謙填詞，廖志華監製，是一首sweet到爆的R&B小情歌。

Arvin推出出道作品《FM520》。

觀看相關影片按連結：https://youtu.be/-x0-sXmIv24?si=f_9haPYXrw1RriMH

《FM520》是關於「五種愛的語言」，包括甜言蜜語、全程望着對方的精心時刻、真心禮物、服務行動及令人心跳的身體接觸，典形水瓶座的Arvin自言是一個很需要跟別人傾偈的人，「歌名嘅『FM』就係stands for『frequency modulation』，希望喺愛情入面可以搵到一個同頻嘅人，唔使講好多嘢已經勝過千言萬語。」Arvin求知慾強又怕悶，討厭背書、卻喜歡涉獵世界上所有冷知識，上至為甚麼蛋黃醬一定要用雞蛋、下至IMAX的規格，這位跳脫新人都可以打開自己的「雪櫃冷知識」分享不停。

Arvin自言是一個很需要跟別人傾偈的人。

整天講東講西的Arvin，今次收到陳詠謙的歌詞時便十分喜歡，覺得充滿自己「吹水佬」的特色：「呢隻歌當然係一隻好sweet嘅歌，但係有啲位例如歌詞『然後扮演小魔星』，又或者喺演繹嘅時候，我都會比較偏向用自己一啲百厭啲嘅唱法去表達俾大家聽，希望大家可以了解多啲我其實有時候係一個冇厘正經嘅人。就算追女仔，我都唔會一本正經，反而講好多廢話。」

Arvin自言是個冇厘正經的人，所以就算追女仔，都不會一本正經，反而講好多廢話。

Busking出身的Arvin，最初不太習慣於錄音室錄音，需要時間掌握busking與錄音在技巧上的分別：「一開始覺得自己係零，諗太多點呈現監製要求嘅效果而變得綁手綁腳。好多謝監製廖志華提點。同埋其實有啲take我哋過咗，喺錄音室嘅時候，但我哋就覺得如果想行遠啲就要再做得好啲，我就同華華講：『你唔好放過我呀！你覺得有少少唔得，就算啲音可以執到，你都俾我唱多take啦。』」最後沒有包袱地唱，碰撞出不同可能性，作品亦達到令人意想不到的效果。

Arvin透露最初在錄音室錄音時，因為想太多呈現監製要求的效果而變得綁手綁腳。

後來沒有包袱地唱，碰撞出不同可能性，作品亦達到令人意想不到的效果。

MV中，Arvin飾演一個來自外太空其他星球的人，在他乘坐的太空船內，有一個通訊裝置，他不斷調頻看看有沒有其他人可以跟自己對頻，「好好彩同到一個地球嘅女仔synchronize咗，通到話，我就嚟到地球，接埋佢一齊向着我哋未知太空嘅旅程進發，就好似大家搵到自己啱嘅另一半，喺未知嘅愛情入面探索唔同嘅可能性。」

Arvin在MV中飾演一個來自外太空其他星球的人。

首次拍攝MV，面對多部攝影機的Arvin坦言十分緊張，「一路以嚟就算唱歌都好，都係自己匿埋喺屋企衣櫃度錄歌，哈哈。第一次有啲緊張，好驚阻住人收工。」除了面對鏡頭，拖女仔手亦令他大為緊張，「好耐冇同人拖過手啦，呢個MV雖然唔算多親密接觸，但係第一次拍MV就有女仔、又要拖手，係有啲緊張。」

Arvin坦言面對多部攝影機時十分緊張。