今日lunch同朋友經過呢間串燒店,見到櫥窗有好多款串燒😍好吸睛,而且香噴噴!忍唔住即刻走入去試吓…我哋今次點左一份串燒炒飯,幾串串燒同甜品,質素相當不錯!
✦雜錦串燒配泰式炒飯
雜錦串燒雞牛豬各一串,滿足3個不同願望🤩每款串燒燒得啱啱好,唔乾身肉質嫰滑,炒飯底好香口,粒粒分明,食落煙煙韌韌。
✦青咖喱大魚蛋
超級大大粒魚蛋,好彈牙!青咖喱椰汁好濃郁,又不太辣,味道相當夾!
✦有機露筍
露筍好鮮嫰,配搭辣味粉,夠哂惹味!
✦魷魚鬚
完全唔靱,燒得好香口好彈牙。
✦豬頸肉
外邊燒到焦脆,仍然保持肉汁,點上秘制沙嗲醬,更加美味。
✦白鱔
燒得好香脆,厚實肥美,油脂甘香,啖啖肉。
✦焦糖燉蛋
面層焦糖燒得香脆,燉蛋口感幼滑,甜度啱啱好,飯後甜品一流!
此物業由您擁有或管理嗎? 免費認領您的企業詳情,即可回應評論、更新檔案和進行更多操作。