今日lunch同朋友經過呢間串燒店，見到櫥窗有好多款串燒😍好吸睛，而且香噴噴！忍唔住即刻走入去試吓…我哋今次點左一份串燒炒飯，幾串串燒同甜品，質素相當不錯！

✦雜錦串燒配泰式炒飯
雜錦串燒雞牛豬各一串，滿足3個不同願望🤩每款串燒燒得啱啱好，唔乾身肉質嫰滑，炒飯底好香口，粒粒分明，食落煙煙韌韌。

✦青咖喱大魚蛋
超級大大粒魚蛋，好彈牙！青咖喱椰汁好濃郁，又不太辣，味道相當夾!

✦有機露筍
露筍好鮮嫰，配搭辣味粉，夠哂惹味！

✦魷魚鬚
完全唔靱，燒得好香口好彈牙。

✦豬頸肉
外邊燒到焦脆，仍然保持肉汁，點上秘制沙嗲醬，更加美味。

✦白鱔
燒得好香脆，厚實肥美，油脂甘香，啖啖肉。

✦焦糖燉蛋
面層焦糖燒得香脆，燉蛋口感幼滑，甜度啱啱好，飯後甜品一流！

老公之前同朋友飲完酒食過，覺得幾好食，所以今次就帶我食

我地叫左
海南雞飯: 肉夠熟，亦好滑嫩。特別鍾意啡色嘅調味醬
串燒配炒飯: 有3串串燒，可以自己配搭，我地揀咗牛，唔會好韌。老公話好鍾意佢個沙嗲汁，帶有少少甜味
2碟飯嘅份量都唔少

魷魚鬚: 好足料，食咁多間串燒店都未試過咁大串
魚餅: 好大片，亦好惹味。但都幾辣，食唔到辣嘅記得同餐廳講聲
雞肉串: 滑嫩
豬頸肉: 超好食，惹味，燒得好香
鳳爪杯: 記得將面頭嘅鳳爪隊到最底點晒汁先至食，咁就會好好味

本身以為串燒要自己揀汁，原來係餐廳會按款式為客人選最合適嘅調味

Grill ขนทอง (駱克道) (銅鑼灣)
銅鑼灣駱克道487-489號駱克駅地下

柚子海鮮沙律 $75
啖啖柚子果肉，配上不同食材如:蝦，墨魚、魷魚，腰果、木瓜絲和甘筍絲。海鮮質素新鮮，非常醒胃的一碟前菜沙律。

去骨海南雞飯
雞肉非常嫩滑，配有不同的醬汁，分別是酸辣醬及黑醬油。雞皮爽滑彈牙，雞肉配上的黑醬油非常惹味

白鱔
肥美厚實的白鱔，肉質爽彈，咀嚼後口腔滿滿油脂香，必食！

菠蘿
超級Juicy!!!! 菠蘿香甜多汁，減卻了串燒之油膩感

豬頸肉
串燒配上秘制沙爹醬，外面焦脆，但肉汁沒有流失，肉質juicy，點上甜酸醬，非常滋味。

落下斯濕最好食辣野去濕氣😂
黎到我最愛得輕食串燒店，因為佢除了有套餐夠方便，仲會再單點幾串串燒過口癮，好多時自己一個人黎都無問題。食串燒唔一定要大班人嘅🤣🤣

而且佢係泰式串燒店得黎坐得好舒服👍👍👍

今日食左個串燒飯套餐，有齊豬牛雞串，仲有杯餐飲跟😍😍😍

另外再單點冬陰公湯，中意佢紙杯裝，飲唔晒拎住返office做tea 都得😋😋😋

串燒嘅汁現在無得自己配搭，但不失風味🤭🤭
反正會叫幾款，幾個汁輪住點黎食太滋味🤭🤭😍😍

行經附近聞到好香燒烤味道傳出黎，趁有時間就入去食埋嘢，門口有塊玻璃見到師傅係到燒，叫完野食就入去坐低等。

海南雞飯
海南雞已經去哂骨啖啖肉，雞肉嫩滑，雞皮爽滑，沾上醬汁送飯一流。

青檸梳打
酸酸甜甜，味道清新，好解渴。

龍眼冰
超級多龍眼肉，甜度適中。

另外仲叫左串燒，菠蘿，牛肉，雞翼，牛仔骨，魷魚鬚，豬肉，蘆筍，全部都揀左小辣，燒到惹味可口，菠蘿香甜多汁，魷魚鬚爽脆彈牙，牛仔骨肉質軟林。牛肉味道濃入口爽滑。