獎門人感謝祭終極篇丨郭佩文疑似被胸襲惹熱議 網民：擺明特登 反手推開人都未見過

TVB遊戲節目《獎門人感謝祭終極篇》喺前晚（12日）播出，繼續有「獎門人」曾志偉，帶領「獎老」錢嘉樂、林曉峰、金剛、阮兆祥、麥美恩、林秀怡及林正峰擔任主持，並邀請三組嘉賓大玩遊戲，分別係身體健康隊、《中年好聲音2》隊、《福祿壽訓練學院》隊，場面星光熠熠又熱鬧。不過喺爭凳仔嘅環節中，「最強Body」郭佩文疑似被胸襲。

喺爭凳仔嘅環節中，「最強Body」郭佩文與五位藝人大玩爭凳仔，郭佩文喺激烈嘅競爭下意圖搶走梁競徽（原名：梁烈唯）嘅凳仔，期間梁競徽喺保護凳仔時唔小心疑似胸襲郭佩文，之後郭佩文即刻雙手護住胸部，並坐喺地下笑。節目出街後，隨即引起網民熱烈討論，有網民認為梁競徽係無心之失，亦有網民認為佢係特登，留言話「連拍幾野」、「好慘呀，俾個變態佬非禮，都唔知會唔會有心理陰影。建議報警。」、「無啦啦伸隻手過去 仲要係咁拍 明顯到」、「好唔自然隻手d動作」、「抽水抽到勁明顯」、「VAR睇埋冇得話唔小心啦」及「擺明特登 反手推開人都未見過」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！