芷珊約您 | Jackson 細心又踏實 30 歲單身狗渴望談戀愛
Jackson分享變身故事
不少人將人生重要事情以紋身記錄下來，Jackson 身上有不少別具意義的紋身，他與芷珊分享其中手臂上的《西遊記》剪影紋身，背後故事原來與其演藝事業有關：「媽媽係上海人，每年暑假會返上海，打開電視百分之八十以上都播緊《西遊記》，everything’s《西遊記》、《西遊記》……對我長大好大影響。而我做藝人、歌手，做作品分享畀更多人睇，呢個 journey 其實都係 to the west（往西方世界進發）。」
「恐嚇」10 年後自己：好自為之！
現年 30 歲的 Jackson 有樣有才華，風靡天下萬千少女，為何仍是單身狗一名？他向芷珊坦承渴望談戀愛，不但希望在 35 歲前成家立室，更盼望早日成為人父，與子女能如朋友般關係：「我想見佢哋耐啲，想同佢哋成為朋友，一齊去飲酒、跑步、打波。」他對於感情事從不強求，一切順其自然，但人漸成長卻令他變得內向，甚至出現社恐：「本身好 active、好開朗，同人好快做到朋友，但時間耐咗，覺得自己有少少冇咁想社交。我以為係好 friend 嘅、真心嘅，但最尾好多時唔係咁。」芷珊問到想跟 10 年的自己說甚麼，他笑言沒有話要說，繼而驚爆10 年後不再活躍幕前：「佢自己好自為之！我覺得唔會再喺呢個圈度，（唔好嚇我，你啲粉絲聽到會癲㗎！）呢個係我嘅選擇、我嘅人生，我想生活、我想創作，我覺得我嘅強項係創作，而唔係淨係幕前。」
「在乎、愛嘅人喺度，嗰個就係屋企」
芷珊每集都會要求嘉賓分享一個小秘密，Jackson 透露近十多年根本沒有固定的屋企，讓人心酸的是就算回到香港的家，感覺也像酒店一樣：「我好在乎、好愛
嘅人喺度，咁嗰個就係屋企。今次阿爸阿媽嚟，感覺好似行入佢哋間房咁，有種energy。」香港土生土長的 Jackson，指香港給他家的感覺，希望完成工作盡快回港。
及後 Jackson 大膽要求芷珊分享小秘密「回禮」，芷珊指台上與 Jackson 十指緊扣的 VVIP 專屬零距離體驗，其實是「自肥」項目：「開頭係（製作組）一個設計，但其實呢件事係我一直以來嘅心願。」芷珊對 Jackson 讚不絕口，不但大讚他是一個不節不扣的細心暖男，人氣紅透半邊天依然謙卑踏實，全程素顏受訪更無半點偶像包袱：「佢想用最真實、最舒服狀態同我傾偈。」、「雖然擁有千千萬萬個 fans，但畀我感覺仍然好踏實、冇飄（囂張）嘅感覺，總括嚟講，越認識王嘉爾個人，係會越鍾意佢。」
想知道更多相關精彩資訊，敬請留意 www.tvb.com。
