晚飯預訂另一間九龍區酒樓全包宴
香港酒樓連預訂都要先俾$300按金
當晚六點半到達,大約只有十枱客人,侍應個個戇居居企曬喺度,但係你叫佢就冇反應
三千蚊全包宴,今時今日絕對唔敢有要求,因為其中有一個食齋,加多一個豆腐,埋單就三千一蚊,其中一個屋企人食到發爛渣,話點解啲嘢咁難食,一路食就一路鬧
香港侍應真係世界第一,要斟茶冇反應,上菜速度奇快,基本上一上就四五碟一齊,然後又上多三四碟
全包宴係包酒水,但係侍應係唔會幫我哋上飲品,因為大家掛住傾偈,亦都冇為意,到埋單後先記得冇上飲品
屋企人就話,唔再喺香港食嘢,下個禮拜全部人一齊上深圳
全日消費$4250,大家食到一肚氣!!
之前分享母親節蓮塘口岸晚上七點幾香港人打交
點解香港人打交都要上深圳消費,分享這兩個星期,真實的消費
香港消費
5月4日星期六, 9個人九龍區酒樓中午飲茶
九龍區某酒樓,訂了枱都無位,後來侍應皇恩浩蕩咁話,有一張大枱可坐12人,我地必須要在一個半鐘內埋單,仲話因為坐房,房間有一張12人枱和幾張細枱,最低消費$1,000,由於等好耐,乜嘢(非合理)條件要硬食,好啦點心上場,全部都唔好食,甚至乎可以話難食,家人再叫一碟炒河和一個炒飯,每個$148,上枱份量細得恐怖,真係一人食兩匙羹的份量,9個人埋單$1,150
食到一肚氣,七個點心,一個糖水加兩碟炒野
揸車停車場無得免,2小時泊車$70