星光路上丨梁思浩修行助貧困戶處理28宗後事 感謝肥姐曾給予家的溫暖

梁思浩 主持TVB Plus互動靈異資訊綜藝直播節目《直播靈接觸》相當受歡迎，佢接受TVB娛樂新聞台節目《星光路上》訪問，與主播 潘盈慧 暢談演藝路，思浩坦言自己出身唔好，六年級嗰年去人哋屋企食飯，見到人哋枱上擺好碗筷咁食飯，而思浩喺屋企就係食罐頭。

思浩覺得人生好奇妙，讀書期間已參與拍攝廣告，後來於1986年拍《城市故事》 飾演洗米華，角色相當入屋，令佢繼續喺呢行發展，思浩好開心一班朋友令佢有一個家嘅感覺，又指當年做《歡樂今宵》時，前輩肥姐沈殿霞特別錫佢，過時過節就邀請思浩上屋企食飯，感受到家嘅溫暖。

思浩指自己做布施修行法三年，特別照顧一啲窮人，幫助唔識嘅朋友處理後事，佢亦有分享感人嘅經歷，亦有一啲小朋友自殺，有啲家長搵思浩幫手，對方唔可以「白頭人送黑頭人」，思浩在三年內幫助別人處理27、28個後事。