家族榮耀之繼承者｜61歲羅嘉良被指殘過75歲許紹雄 總監製梁家樹指造型係精心打造

劇集《家族榮耀之繼承者》正熱播，除咗係佘詩曼和林峯第六次合作夠晒吸引，仲有唔少久未露面嘅面孔參與拍攝，當中包括飾演丘守義嘅「撈家」羅嘉良。現年61歲嘅羅嘉良以白髮造型亮相加上勁大個眼袋，顯得個樣好殘，老態盡現，被指殘過同劇75歲嘅許紹雄。

《家族榮耀之繼承者》總監製梁家樹喺接受訪問，期間表示羅嘉良喺劇中呢個「衰老」造型係劇組精心打造，主要係令觀眾可以洗走對羅嘉良嘅固有印象，所以喺第一集許紹雄嘅角色已經話細佬因為太過醉心於為事業打拼，同時又多嘢煩，所以睇落比哥哥年紀大。為咗令羅嘉良可以睇落更老，劇組除咗幫佢加白頭髮少少紋，仲專登為佢設計一個既成熟又有說服力嘅髮型，而梁家樹仲話呢個髮型係參考某政治人物，從而增加威嚴嘅感覺。

劇集出街後，唔少網民都留言表示羅嘉良好老，例如「羅嘉良老到」、「想當年仲可以同牙蛇演情侶，而家做得佢老竇」、「當年男神崩壞了」及「基因發生變化了，就好比萬梓良，老了就失去了明星相。」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！