呢日放假去食潮州嘢做返晚「㗎己冷」先！今次去銅鑼灣新開嘅正潮樓，記得之前同老婆大人食過灣仔鋪啲潮州菜都幾特別，唔知今晚會唔會又有驚喜呢！ 銅鑼灣舖環境同灣仔店都好似！都係用好中國風嘅裝修而且坐得幾舒服。 坐低先嘆返杯靚嘅甘香單樅茶，仲有傳統嘅花生同菜脯做小食送茶。 人齊後先嚟整返份鵝肉拼鵝肝！呢度個鵝肝整得好嫩口滷水味亦都...夠香濃，聽聞佢哋用嘅係獅頭鵝所以啲肉質都幾彈牙，呢碟拼盤帶出咗一個好好嘅開始。 跟住我哋仲食埋矜貴嘅海味菜！而家做緊晚市特價套餐叫呢啲山珍海味仲可以另外喺20幾款嘅自選菜式入面任揀，視乎人數而定可揀三至九款價錢都係$438至$568一位食得過㗎。 厚菇焗鮑魚入面隻鮑魚係墨西哥新鮮鮑嚟！炆得又香又腍仲好有咬口，側邊仲有隻勁厚肉嘅花菇吸晒啲汁都好好味㗎。 同一個煮法換咗厚菇炆海參！爽滑入味嘅海參口感都好唔錯而且一樣咁惹味。 跟住呢碗係女士們好鍾意嘅紅燒燕窩！入面有足三兩嘅金絲燕滿到瀉咁滯，試咗一啖個上湯令到燕窩有自己嘅鮮香味，食落去一絲絲嘅燕窩會令人好有滿足感。 而我梗係揀紅燒魚翅嚟食啦！呢個係用金勾翅嚟整嘅好鬼矜貴，魚翅嘅份量都唔少呢一碗夠晒我過足口癮。 呢個叫做玉枕白菜原來係好傳統嘅潮州手工菜！外面嘅津白整得好香滑入面包住咗豬頸肉、蝦、蝦米同冬菇溝成嘅肉餡，一啖咬落去口感好豐富味道仲好香甜添。 脆皮甜酸蠔就用咗台山蠔嚟整！配埋師傅自家製嘅甜酸汁一齊食，酸酸甜甜加蠔本身嘅鮮味同埋香脆嘅口感食落好有質感。 香炒瑤柱鬆炒得好鬼香口，除咗江瑤柱之外入面仲有馬蹄、韭黃同埋肉鬆，用爽口嘅生菜配嚟食口感同味道都好正斗。 梅汁蒸馬友就好推薦比鍾意食魚嘅朋友！啖啖肉嘅馬友魚本身魚油幾重，但係加咗啲梅汁嚟整中和咗油份，鮮味夠晒之餘唔會覺得好油膩。 跟住呢碟蒜蓉炒麻葉睇個樣唔係好吸引但係食落去好鬼正！呢個用蒜蓉同豬油炒嘅麻葉有種獨特嘅香味，而且食落去有好多纖維對腸胃一定好好。 大食嘅我哋梗係要嗌返兩個單尾嘆吓！呢個係芋頭炒香飯炒得好乾身，鍾意食粒粒分明炒飯嘅朋友就要試吓呢個喇。 我好鍾意食呢個菜脯炒粿條！炒得香口又爽又滑最緊要係唔會油淋淋，簡單用菜粒同菜脯增加口感已經好好食。 最後甜品我哋有好傳統嘅桔餅姜薯粿！如果鍾意食煙煙韌韌嘅應該會好鍾意呢個口感，入面係好甜嘅桔餅姜薯完全係潮州特色甜品。更多

很久沒去嘆我喜歡的潮州菜了!見到有間潮州菜館推出了鮑､參､翅､燕窩套餐好抵食,不假思索即約齊飯腳去開餐｡ 地點正是位於銅鑼灣的正潮樓早年試過灣仔店印象不錯!能於逆市擴充開分店水準必定有過人之處｡ 店內裝潢以古典美作賣點感覺乾淨又舒適,而且更有獨立廂房方便喜歡私隱度高的朋友用餐｡ 廳面掛上一幅由蔡欄先生題寫的墨寶完全能夠道出...我的心聲太妙了哈哈｡ 餐廳正推出晚市特價套餐只要點選紅燒魚翅､紅燒燕窩､厚菇焗鮑魚或厚菇炆海參套餐價位由$438~$568/位,即可從20款的自選菜式當中任意配搭,一至兩位可選3款､三至四位可選5款､五至六位可選7款､7位以上可選9款的自選菜式,配搭超自由相信大家也必定找到心頭好的菜式｡ 先來嘆杯單樅靚茶潤喉等齊人就開餐｡ 厚菇焗鮑魚用上墨西哥新鮮鮑魚來炆煮!鮑魚咬下口感爽滑帶有鮮味濃厚,那件厚花菇也不是省油燈香軟可口菌味香濃｡ 愛健康的可選這個厚菇炆海參用上矜貴的豬婆心口感特別稔滑!吸收了濃厚的醬汁味道也很吸引而且吃得非常舒暢｡ 女士們至愛的養顏好物紅燒燕窩用上足三両的金絲燕窩來炮製非常足料!配襯鮮甜的高湯加上啖啖燕窩吃下非常滋味｡ 最後還有以金勾翅來炮製的紅燒魚翅!但魚翅這味就交給車爸爸享用好了｡ 不過我們更喜歡單點的菜式先來一客鵝肉拼鵝肝!鵝肝超級粉嫩幽香的滷水味做到齒頰留香好精彩,獅頭鵝肉質細嫩嚼勁十足香料味不霸道之餘更淡麗香醇,每口也鵝香鮮厚鹹香恰到好處真美味! 然後這味玉枕白菜$88/位(四位起需一天前預訂)是做法非常講究的傳統潮州手工菜!嫩滑的津白內有豬頸肉､鮮蝦､蝦米及香菇等食材,豐富的味道和口感散播嘴巴之內配襯高湯芡汁非常滋味｡ 脆皮酸甜蠔$58/隻選用新鮮肥美的台山蠔酥炸而成,以自家製的甜酸汁來伴吃鮮中帶甜肉嫩多汁｡ 香炒瑤柱鬆$338用的是日本瑤柱所以鹹香惹味而不腥,加上馬蹄､韭黃和肉鬆的助攻令菜式更為豐盛,配襯生菜盞來享用口感清爽之餘味道又香濃｡ 梅汁蒸馬友魚油分重的馬友以酸香的梅汁調味充分展現潮州菜的智慧,這條馬友魚肉質香嫩喜歡嚐鮮的我吃得不亦樂乎｡ 炒麻葉是一道廣東潮汕地區的傳統名菜我還是第一次品嚐!麻葉含有豐富的纖維質及多種維生素非常有益,以蒜蓉和豬油炒香吃下很嫩溜而且一點苦澀也沒有好好味｡ 單尾選上一飯一粉來滿足澱粉癮先來芋頭炒香飯$138!飯粒炒得乾爽加上芋頭的香氣絕對有它的捧場客｡ 簡單的菜脯炒粿條$128正是大廚顯功架的菜式,粿條炒得爽滑不油膩加上口感十足的菜脯不錯吃｡ 最後甜品我們選了桔餅姜薯粿$58/3件,煙韌的粿皮內藏滿姜薯桔餅泥中,獨特口感加上甜美味道充滿潮式的風味｡ 吃滿$2000我們更得到價值$238一泡功夫茶的優惠券一張,可於下午茶時段來享用茶座服務嘆靚茶吃點心｡更多