得如酒樓 (已結業)

洗禮前一天路過此地，問過掌櫃大嬸晚飯都無需訂位，仲免收加一；但因他們比較早收工，最好早點來，我想六點半應該夠早…我們一家四口加五位朋友合計九個大人，六點半多少少就坐落。點菜時最搞笑，好似mc mug叫魚旦粉，想點的都幾乎無；菜膽雞無完隻雞、瑤柱羹無瑤柱、白飯魚煎蛋無白飯魚…我地唯有問伙計，咁你地廚房今日有咩食材呢？終於是晚菜譜如下﹕牛肉羹(加中) / 牛腩煲/ 海鮮雜菜煲/ 芥蘭炒鮮魷/ 生炒骨涼瓜班塊/ 虾仁炒蛋/ 豆鼓雞白飯x 3 / 青島x 2Total : $522.00總括食物都足料夠味，因為人少，每碟都是為你而即做即炒，而且伙計大叔們都人情味十足。伙計做得一旦得一日；市區重建大計之下，願得如有一天能回復她惜日光彩。