金萬濠燒臘茶餐廳 (已結業)

可能紅館裝修，所以就算假期都好少客。媽媽大人同大佬喺大陸返嚟，接佢地車兼拎住行李一齊去搵野食，個場真係好靜下，最後決定嚟金萬濠。一埋位，我地6個人，即刻每人送碗紅蘿蔔粟米湯媽媽大人叫咗個茶餐，佢揀咗雪菜肉絲+火腿米線，5:00pm前$28, 5:00後$33, 嘩~勁大碗，勁多餸，跟住嚟個奄列同方飽，又係勁大份量。二佬叫咗個咖哩xx飯，一碟餸，一碟飯，又係好夠食，咖哩飯類$30-38細佬叫咗個白汁焗龍脷柳飯，$35，以細佬食野既速度，竟然係呢餐飯既尾二，即係碟飯都好夠佢食下。大佬叫咗碟燒肉飯，單拼$28, 雙拼$33, 雖然呢間叫燒臘茶餐廳，但反而我覺得燒味賣相麻麻地。家姐同我分別叫咗石窩海鮮烏冬同石窩牛肉烏冬，$42，因為用石窩，所以食到最尾都仲係keep到好熱，d牛肉好多片，菇類又多，好好味，好抵食，好飽。食食下先記得影相，所以得3張下次要試下佢地既籠仔蒸飯餐先，$33要讚有個伙計阿叔服務幾好，雖然聽野論盡d,但招呼唔錯。

晚上四個人去食，平均消費30，沒有加一。我叫左一碟魚香茄子飯，全碟面都係魚香茄子，飯又夠多(至少我(男)一個人要食哂都有點點難度)，色彩鮮艷，飄來咸魚香。一口細味下，咸魚味甚濃，茄子沒有啞色，茄子既口感適中，加上咸魚味，係入口即溶既茄子，加上咸香既咸魚味，不得不給一個"棒"字。其他三位朋友所點的食物中，都絕對係多料，我覺得個老闆係以真材實料作招來，料足，加上好廚師，唔試就真係走寶。理大學生還有九折！