影片
更多
2008-04-15
12 瀏覽
上星期日,跟朋友到太子(彌敦道)的扒王之王嘆下午茶,廿蚊起一個茶餐,有野食有野飲,都幾扺!估唔到仲大贈送一肚氣。卡位留座唔俾人坐約下午三時,餐廳內還沒滿座,門口兩張卡位,放了留座字牌,扒王之王留座?從沒聽過。我嚷著不用兩張枱拍在一起了,人貼人太擠迫,擾擾攘攘,他們才給我坐卡位。其實不是第一次放留座牌在卡位上,點解?有次我看到他們稍後就坐在那裡開餐。不知那是不是原因。答非所問又熟又唔熟餐牌寫著叉燒蛋麵。恕我無知,究竟叉燒蛋是炒蛋,還是分開叉燒還叉燒,雞蛋還雞蛋?於是問問經理(個個西裝打呔,成熟穩重,同一般戇居居瞓唔醒侍應哥哥明顯有分別),經理一輪嘴:「我地無炒蛋,一係熟一係半生熟...」我問題重複一次,他沒好氣地重複答案一次,再補充:「只係得煎蛋,熟同半生熟。」朋友替我翻譯,收到,即唔係炒埋一起的叉燒蛋。結果我點了一個豬扒蛋麵,問女侍應可否把餸(送)和麵分開上,她支支吾吾,結果還是應我要求,感激不盡!飲完餐湯套餐售罄朋友點了個四五十元的甚麼豬骨餐,餐飲送到,餐湯飲埋,餐包消化完,約十多分鐘後,才有侍應告訴我們該套餐售罄。惟有即時轉軚,但朋友趕時間,越急越見鬼,食物姍姍來遲。廿蚊個餐使死人
卡位留座唔俾人坐
約下午三時,餐廳內還沒滿座,門口兩張卡位,放了留座字牌,扒王之王留座?從沒聽過。我嚷著不用兩張枱拍在一起了,人貼人太擠迫,擾擾攘攘,他們才給我坐卡位。其實不是第一次放留座牌在卡位上,點解?有次我看到他們稍後就坐在那裡開餐。不知那是不是原因。
答非所問又熟又唔熟
餐牌寫著叉燒蛋麵。恕我無知,究竟叉燒蛋是炒蛋,還是分開叉燒還叉燒,雞蛋還雞蛋?於是問問經理(個個西裝打呔,成熟穩重,同一般戇居居瞓唔醒侍應哥哥明顯有分別),經理一輪嘴:「我地無炒蛋,一係熟一係半生熟...」我問題重複一次,他沒好氣地重複答案一次,再補充:「只係得煎蛋,熟同半生熟。」朋友替我翻譯,收到,即唔係炒埋一起的叉燒蛋。
結果我點了一個豬扒蛋麵,問女侍應可否把餸(送)和麵分開上,她支支吾吾,結果還是應我要求,感激不盡!
飲完餐湯套餐售罄
朋友點了個四五十元的甚麼豬骨餐,餐飲送到,餐湯飲埋,餐包消化完,約十多分鐘後,才有侍應告訴我們該套餐售罄。惟有即時轉軚,但朋友趕時間,越急越見鬼,食物姍姍來遲。
廿蚊個餐使死人咩
o拿,事先聲明,埋單無個餐收我地廿蚊架!最平廿二蚊,仲未計加一。廿蚊,可能真係唔算得乜,所以朋友食完一個餐,唔飽,再叫多個餐。想話跟我一樣,豬扒蛋麵,仲一樣要分開上。但佢無我咁好彩,
一位擬似經理:「對唔住,做唔到。」
朋友:「只係將餸分開放在碟...」
經理:「我地真係做唔到,廿蚊個餐,好平喇,做唔到咁多野。」
朋友:「佢(指住我個碟)又得。」
經理:「剛才都應該唔得,廿蚊個餐已經好平,做唔到咁多...」
朋友:「廿蚊就唔可以有要求?....」
我:「乜分開放會提高你地成本咩?浪費好多時間呀?」唔使兩秒,佢講少句已經做完啦!
另一位擬似較高級的肥經理:「乜事呀?」
以為條呔唔同d,高級d,明事理d,好禮貌d啦,點知錯晒!
朋友重複問題一次,佢審犯咁問:「咁你係咪想要多個餐?」朋友:「係。」「係啦麻,好,(轉同手足講) 做埋俾佢......係咁架啦,做得一個,第二個又話要做,邊個做壞晒規矩!」
肥經理又同我地講:「唔會有下次,以後都唔會再做....」
朋友A:「以後都唔嚟..」
肥經理:「咁,呢d係你選擇。」
我(同朋友講):「佢咪仲開心,少d人嚟少d野做。」
朋友A:「咁,即係叫你攞多個碗都唔得啦!」
肥經理還大大聲聲,即刻走去鬧正為另一枱落單的女侍應,問「你落單架?唔應該咁落.....」
之後,肥經理仲一邊推門出外,一邊大大聲講:「廿蚊就想使死人咩!!!!」又無膽在我們面前講!
後來食物來到,朋友一啖都唔敢食,點解?心照啦!
本來各間餐廳各有規矩,唔緊要,你咪禮禮貌貌話我之。飲食都係服務行業,態度差成咁,全無質素可言,陰功!咪講話「顧客永遠是對的。」
但諗極唔明,洗多隻碟真係咁困難?
張貼