具俊曄多人聚會大S冇影　12點前趕返歸慰妻

台灣女星徐熙媛（大S）同汪小菲離婚後，閃嫁舊愛、韓團始祖「酷龍」成員具俊曄，雖然2人婚姻生活相當恩愛，但就鮮少同框亮相，甚至日前具俊曄喺舉辦個人專場DJ Show，都未見大S嘅身影，反而徐母、徐熙娣（小S）、許雅鈞及女兒Elly、Lily都有出席捧場之餘，完騷後嘅具俊曄更被台媒發現竟然冇去慶功，轉而係前往咖啡廳同朋友見面，並趕喺11點58分返到台北市信義區住處，猶如男版灰姑娘。

而喺當晚，一連播咗超過50首歌曲嘅具俊曄，除咗有歐美日韓曲目外，仲有唔少台灣歌手嘅歌曲，其中雖然老婆大S未有現身支持，但具俊曄仍然播起大S曾演出嘅《流星花園》主題曲《流星雨》要大家合唱，並拎住麥高調放閃「我愛杉菜」，而未有出席嘅大S則送上寫有韓文「준준사랑해（俊俊我愛你）」嘅花籃祝賀。