大苑子

營業中

休息中

一間嚟咗香港兩年幾嘅台灣水果茶店，喺佢哋自己網站上話係台灣鮮果第一品牌，強調產品係新鮮鮮榨，用天然果汁，唔會用濃縮果汁，而且會因應季節出時令嘅果茶飲品，即係大概係sell新鮮同天然啦。冇試過呢間嘢嘅其它分店，咁啱見圍方店新開就揀咗杯menu上打星嘅，即係店家認為"超讚"嘅檸檬愛玉。order完3幾分鐘就攞得，仲係用膠飲管，超級感動，必須畀個like先！至於味道呢，愛玉帶少少Q彈，唔會一啜就散，點咗半糖，覺得甜度啱啱好，唔會酸亦唔算甜，但有一樣唔鍾意嘅係，我懷疑用咗代糖，有浸代糖味，好在我唔太抗拒，即係唔飲diet coke或zero coke嘅人，或者試吓其它款式會比較好喇。價錢方面，而家間間茶飲店都唔平，呢杯$27勉強算合理。環境方面，新開梗係乾淨啦，但冇枱凳，純粹做外賣。