荷里活藝人接連街頭遇襲 《酒私風雲》視帝Steve Buscemi日光日白被人打傷︳電影LOL

近期紐約街頭發生多宗荷里活藝人遇襲事件，上周又有受害者！外媒報導，66歲資深男演員Steve Buscemi上周三中午前，喺紐約曼克頓街頭，俾一名男子當街襲擊。Steve Buscemi左眼及面部受傷，報警後送院治理，傷勢無大礙。Steve透過公關確認事件，表示自己情況OK，多謝各界關心，並為紐約街頭發生呢類事件感到傷感。至於襲擊Steve Buscemi嘅男人事後逃去，暫時未有人被捕。

Steve Buscemi係土生土長紐約人，未入行前喺紐約消防局做過消防員，甚至喺911事件發生時，協助消防員到世貿大廈現場參與救援。從影40年以來拍過唔少電影，包括昆頓塔倫天奴嘅《落水狗》、《危險人物》；高安兄弟《大保齡離奇綁架》、《雪花高離奇命案》等，而佢最為人認識嘅可能係拍過美劇《人在江湖》(Soprano)，到《酒私風雲》（Boardwalk Empire)成為男主角，更贏過金球獎視帝。

同Steve Buscemi一齊拍過《酒私風雲》嘅男演員Michael Stuhbarg，3月底喺紐約街頭俾人用石塊打傷後頸，行兇嘅27歲男人事後被捕。而參加真人show Real Housewives of New York嘅Bethenny Frankel 同樣喺3月底拍片聲稱喺紐約街頭遇襲。至於演員Rick Moranis 2020年10月亦喺紐約街頭無端被一名黑人男子打到跌落地。

更多電影文章

猿人爭霸戰：猩凶帝國／調教你女友／正欲／五月雪／雪豹︳電影LOL 今期睇咩戲

《馴鹿寶貝》原型癡女受訪爆劇情造假 考慮告Netflix誹謗︳電影LOL

唔介意拍《生死時速3》 珊迪娜布洛︰死之前要同奇洛李維斯再合作 ︳電影LOL

馮素波主演短片《垃圾》獲法國影展最佳女演員獎 隱瞞膝傷頂硬上斜路推梳化︳電影LOL

英國演員Bernard Hill逝世享年79歲 曾演《鐵達尼號》船長遇難一幕最動容︳電影LOL

The Rock醜聞連環爆！拍新片用樽裝小便 傳推無料打雜舅仔做CEO︳電影LOL

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！