影片
更多
2010-05-31
5 瀏覽
記憶中香港的小肥羊貴到無朋友，四五年前去食過一次，一人食成三百蚊都唔飽﹗周日本來諗住與友人一齊上大陸小肥羊，點知午間下起暴雨來，令北上念頭打消﹗最後一行六人去左......尖沙咀金巴利小肥羊。八點來到，竟然入座率只係得一半，小人得離奇。香港與大陸小肥羊既裝修也差不多，簡潔、光猛，座位不迫亦舒服﹗牆上掛著有0的似成吉思汗既畫，幾威武喎﹗香港小肥羊原來而家係任食的，我地真係out哂﹗$138一位，任食包湯底要加一﹗9:00pm後仲$118添﹗每位加十蚊任飲啤酒汽水，梗係加啦﹗加三十蚊又可以食埋呢堆呢﹗唔洗諗，梗係加啦﹗就咁計其實都係$138+$40，加埋一都唔過二百﹗抵﹗來小肥羊最重要當然係為左佢個麻辣鍋啦﹗同深圳食的味道一樣，又麻又辣，食到成身汗﹗先要讚佢地既服務，服務員姐姐親切友善，又教我地點食又幫我地淥埋，有禮之餘食物上枱速度是奇快，點完食物唔洗三分鐘已經齊哂，勁過深圳的十倍以上。拍青瓜我最愛，雖不夠大陸的醃得入味，不過也爽脆好食﹗豬耳我地就嫌佢麻油下得不夠多﹗味淡﹗難得一聚，飲番杯﹗yeah﹗燕餃、魚皮餃同埋芝士腸。特別一提芝士腸，爆芝的，不是平時酒樓0個0的得個脆字的牌子，人人食
周日本來諗住與友人一齊上大陸小肥羊，點知午間下起暴雨來，令北上念頭打消﹗
最後一行六人去左......
尖沙咀金巴利小肥羊。
八點來到，竟然入座率只係得一半，小人得離奇。
香港與大陸小肥羊既裝修也差不多，簡潔、光猛，座位不迫亦舒服﹗
牆上掛著有0的似成吉思汗既畫，幾威武喎﹗
香港小肥羊原來而家係任食的，我地真係out哂﹗
$138一位，任食包湯底要加一﹗9:00pm後仲$118添﹗
每位加十蚊任飲啤酒汽水，梗係加啦﹗
加三十蚊又可以食埋呢堆呢﹗唔洗諗，梗係加啦﹗
就咁計其實都係$138+$40，加埋一都唔過二百﹗抵﹗
來小肥羊最重要當然係為左佢個麻辣鍋啦﹗
同深圳食的味道一樣，又麻又辣，食到成身汗﹗
先要讚佢地既服務，服務員姐姐親切友善，又教我地點食又幫我地淥埋，有禮之餘食物上枱速度是奇快，點完食物唔洗三分鐘已經齊哂，勁過深圳的十倍以上。
拍青瓜我最愛，雖不夠大陸的醃得入味，不過也爽脆好食﹗
豬耳我地就嫌佢麻油下得不夠多﹗味淡﹗
難得一聚，飲番杯﹗yeah﹗
燕餃、魚皮餃同埋芝士腸。
特別一提芝士腸，爆芝的，不是平時酒樓0個0的得個脆字的牌子，人人食過話好野﹗
燕餃肥厚，肉味香濃﹗
大陸小肥羊無海鮮食，呢度就大把﹗
吊筒，厚厚的夠哂口感﹗
魚腐就偏韌，一般般﹗
蠔又係任叫，梗係食多幾轉啦﹗
雖然唔大隻不過蠔味濃郁，正﹗
羔羊片，是大陸小肥羊一貫的水準， 「香、鬆、軟」 ，掛上麻辣湯，一陣又清哂﹗
手打蟹籽墨魚滑。
彈牙夠膠質，入口陣陣墨魚香，不錯啊﹗
玉子豆腐﹗
牛肋肉，牛味香濃，有筋有o趙頭﹗
當然仲有唔少得我最愛既內蒙肥牛啦﹗
肉味香濃亦鬆軟，任點任食真係好抵﹗
基圍蝦，又任食﹗
食蝦最緊要新鮮，咁樣蝦肉先彈牙，呢度的上枱時仲係郁架﹗正﹗
肥羊粉是全圍人最愛的食物﹗
之前上大陸食小肥羊，成日都話肥羊粉賣哂，呢度的任叫任食，貨源充足，我地就唔客氣地叫了六碟。
煙韌彈牙，吸上麻辣湯後的肥羊粉相當刺激，吃了便上癮，最後竟然真係六碟都清哂﹗
食咁多肉唔食0的菇類點得呢？
象拔蚌。
雖是雪藏貨不過輕灼入口也很鮮甜爽脆，絕對收貨，又係食足六碟﹗
要讚佢地個花姿片，夠厚切亦新鮮，入口細味之下有陣甜甜的海鮮甘香，六碟又係掃哂﹗
門口有個小食吧，有甜品如馬豆糕、西瓜等供應。
炸腐皮，一早炸定，偏腍，不過索起湯來仍好吃。
熟食我地點了羊架。
夠哂肥美，孜然與羊羶味相當出眾，聽佢地講好似好好食咁，友人仲一連吃兩大塊添﹗
牛扒就普普通通，茶記牛扒飯之流﹗
這個又是特色野，油炸鬼釀蝦膠。
油炸鬼既香口又吸湯，蝦膠彈牙，食落是又彈又辣又爽又香，幾特別，不過食一件都已經好飽﹗
內蒙極品羊肉，佢地話味道同大陸的完全無分別。
叫到成張枱都放唔哂，建議盡可能慢慢叫，佢每樣食物都會數住你既人數，每樣試0的就very good﹗
上大陸食小肥羊，位位一百蚊人仔可以吃個飲個飽，這兒雖然兩舊不過可免除舟車勞頓條數又0係番度，而且人仔亦長期高企，計計埋埋真係差唔多。
最後要講當然係食物質素，這兒可點到的都和大陸的味道完全一樣，而且仲有任食海鮮，這樣已加哂分。
以後小肥羊癮起唔洗再左諗右諗返唔返深圳好，來這間小肥羊，也一樣可以解愁呢﹗﹗
更多相:
http://hk.myblog.yahoo.com/smallsmalllin/article?mid=20825
張貼
