新一季《亞洲超星團》現已進行招募 網民唔睇好：你先把你出道團運營好了再說

TVB與內地合辦嘅選秀節目《亞洲超星團》賽果喺較早前出爐，頭9名選手奧利、李權哲、冼靖峰、江信熹、梁詩煜、白子奕、文佐匡、黃奕斌及陳梁順利組成全新團體「LOONG 9」出道。喺Loong 9成軍不足一個月，官方就宣布加入張鎬濂、郭殿甲及陳鑫昊3位成員，分別組成Loong9-S及Loong9-V，惹網民不滿。之後，Loong 9原定喺上月舉行嘅香港見面會又取消，認真一波三折。正當大家對Loong 9成員仍感陌生時，原來新一季嘅《亞洲超星團》已經正式進行招募。

《亞洲超星團》嘅官方微博喺近日上載一張招募宣傳單張，表示新一季嘅練習生計劃喺前日（14日）已經開始，而招募方式包括只限16－20歲擁有夢想嘅男生（注：個別優秀者條件可以適當放寬）、未與任何經紀公司簽約者、及入選後將接受超星團的專業製作人進行培訓，並參加其專屬的劇場公演，國內外各類演出、電視、網絡綜藝節目給電影拍攝、廣告代言等各類演藝和商業活動。

招募宣傳單張出街後，唔少網民都認為先將資源用喺出道嘅團體上，留言話「亞超不停 笑話不止」、「有偶像夢想的注意了 來這裡就不會再有了」、「你先把你出道團運營好了再說」、「小哥哥們别陪跑了 除非你是tvb或者樂華的」、「别禍害人了 雖然我每天都能看到你們的笑料成为我的樂子」、「出道快月了 你幾個資源啊還要訓練生 把詐騙刻臉上了吧」、「别耽誤别人了」及「幹什麼啊還超星啊 别辦了吧」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！