小肥「完全變態」演唱會｜入行17年最好時機展現蛻變成果 全新角度認識真正小肥

今年是小肥入行17年，多年率直真我「大細路」性格不變的他，成長路上不停累積經歷，慢慢結為堅實的蛹。6月13日小肥生日，將舉行一連兩場（6月13及14日）《小肥「完全變態」演唱會》，以透過音樂，讓樂迷深入了解小肥的完全體，將已蛻變的一面呈現與樂迷。

今次小肥演唱會取名「完全變態」，當中的「變態」意思，並非罵人亦非改造，而是更進一步呈現，分享破繭而出百份百的自己，小肥說：「『完全變態』係我讀書上科學堂時認識嘅學名，係形容由蟲破繭變成蝴蝶，完成最終形態嘅階段，讀書時已經好鍾意呢個名，大學project就曾經用過，但掛係自己個騷，我覺得自己未掛得起，但係我覺得今時今日嘅可以，令大家認識到真正嘅小肥，所以就用咗做演唱會名。」

演唱會音樂總監方面，將由小肥好友結他達人Jason Kui主理，整個音樂格調及處理手法將與過往的小肥演唱會有明顯分別，無論新舊作品，將有全新體驗；同時配合演唱會，小肥會推新專輯，當中有六首新歌，每首歌代表一種顏色，形成一條六種顏色的彩虹，小肥說：「想呈現的彩虹其實係代表LGBT（同志群體總稱）的一種精神，每隻色代表緊一種意義，剛推出的新歌《大巡遊》就係橙色，代表一種集體展現力量，後面會陸續出現不同顏色代表不同歌曲。」至於新專輯其餘五首歌，小肥透露都會偏向輕快、開心，歌曲包含一些意義，但這些都不是說教式，單純簡單、直接的分享。

歌曲上小肥想讓樂迷耳目一新，演唱會造型方面也不例外，單看小肥今次演唱會海報，化上眼妝、塗了紅唇，服裝彩色斑斕，表情輕鬆自我，開心高歌，就已經好像有別以往，小肥說：「係呀！不過又或者大家唔係好認識真正小肥！講真，係出櫃前，我都唔係好認識自己，但出櫃後，愈來愈認識，所以介紹埋畀大家認識呢個新小肥。」服飾上，小肥更笑言已叫今次擔任服裝設計的Patrick Ho放膽去做，以滿足他八字要求：「花枝招展、歌舞昇平」，務求服飾令大家眼前一亮。

至於選在生日開騷，小肥笑指是多年老死兼拍檔鍾楚霖最愛，繼早年在他生日澳門辦簽唱會，順道為他慶祝後，今年就提議他生日開演唱會，小肥想了想，又覺得都是一個與眾同樂，避開年齡增長、展現他的活力的好機會，於是落實舉行了今次生日音樂會，以新歌、新造型，將破繭而出百份百的小肥，「完全變態」介紹給大家。

《小肥「完全變態」演唱會》

日期：2024年6月13-14日（星期四、五）

時間：晚上8時

地點：旺角麥花臣場館