特備節目《鄰住買特約:獎門人感謝祭終極篇》今晚(12日)8點翡翠台播映,「開心無敵私人醒」中,負傷上陣的翠如 BB搶盡焦點,其中一個題目「心儀對象做啲咩你會完全冇feel」,翠如BB挑戰道德底線接連說出:「推阿婆落山」、「推阿公落山」和「推阿妹落山」,看不過眼的祖藍說:「你究竟係跌親隻腳定跌親個腦呢?」笑爆全場。
今集的「開心無敵爭櫈仔」堪稱《獎門人》史上最強,共有40多人一同上陣爭櫈仔,首個回合大家已經玩到人疊人,場面非常墟冚。之後「遊戲魔人」洪天明與陳蒨葶上演1對1決戰,人仔細細的蒨葶表現異常兇狠,獎門人都不禁說:「天明會㗎,佢(蒨葶)好鬼狼!」最終戰果又如何?「開心無敵開口中」戰況同樣激烈,一眾嘉賓玩到齊齊變Cream人,天明仔仔亦有落場玩埋一份,更大膽向獎門人擲Cream!
來到本季最後一集尾聲,獎門人與一眾獎老齊齊分享感受,獎門人說:「今次係我哋第29年嘅《獎門人》,呢29年好多謝大家一直支持我哋。」感性的麥美恩爆喊說:「好多謝獎門人,《獎門人》係影響咗全球華人,我都係其中一個,好多謝可以畀我參與呢個節目,令到我亦都有機會可以影響到呢代嘅小朋友。」獎老之一的祖藍則說:「勾起咗好多回憶,記得當初我嚟到《獎門人》時,我係完全唔識講嘢,獎門人當時係特登度咗形體題畀我,畀我一步一步進入呢個節目,好多謝獎門人。」