【搬屋雜物】屋企搬屋裝修要存倉？收費+注意事項全攻略！
2024年05月09日
0
141895
要翻新屋企、定係裝修新居都好，搵咩地方處理屋企嘅雜物和傢俬永遠都係一大難題。搬屋公司有存倉服務，但迷你倉又可以安全啲，到底揀邊個先最好？一於等裝修佬同大家分享收費+注意事項全攻略！
搬屋公司
一條龍服務
搬屋公司普遍會提供一條龍服務，由包裝傢私、存倉、搬運物品到屋企，有啲仲畀埋增值服務如：拆傢私、棄置傢私、收購電器。
雖然一條龍服務係好方便，但佢哋所包嘅傢私倉，存倉環境未必十分理想或者設於半室外，物品有機會因壞天氣或半開放式環境而受損。
報價標準不一
搬運收費大多數都會逐件物品計算、車費同樓梯費，但周不時出現實際收費與報價偏離太多，有時仲去到現場話清單上無寫嘅嘢係唔會搬。根據《消委會》於2019年11月所公佈嘅20間搬屋公司報價，以搬一張4呎半雙人床為例，報價可由$70至$1200件，價錢出現10倍以上嘅差異。可見行內報價標準差距太大，容易失算。
上門或自助迷你倉
迷你倉而家分成兩大類：上門迷你倉同自助迷你倉。呢兩種迷你倉大多會標準化咗不同呎數空間畀裝修客人去揀，最常見有12、24呎。
自助迷你倉係開放比租戶自行到迷你倉儲存物品，適合存放家居雜物、衣物、書本等小型物品。
而上門迷你倉就最啱裝修存倉，可以放到傢俬同大型家電（雪櫃、洗衣機、電視），當正傢私倉咁用都得。仲有專人上門搬運服務，物品出倉時亦會送到指定地點。存倉環境更有溫度及濕度控制，唔怕物品係儲存期間因為潮濕而變壞。佢哋更有專屬客服團隊跟進報價或其他查詢。
報價準確度較高
用傳統迷你倉或者上門迷你倉可直接係佢哋官網睇到唔同呎數基本收費及運輸費，容易比較同區倉租，簽定租約後亦可保障收費在指定範圍內。
搬屋存倉｜搵迷你倉常見2大Q&A
Q：是不是應該找最近的迷你倉，會較便宜及方便？
A：由於並不需要經常到倉處理傢俬，所以可以一同參考其他地區的租倉價格。因為租金較廉宜，反而可能更划算。
Q：如何選擇好的迷你倉公司？
A：我們建議務必找規模大的公司。第一，即使在旺季也能提供不同尺寸、種類、地區的倉供屋主選擇，戶主可以選擇到最合適的倉，減低成本和風險；第二，裝修工期有機會延期，規模大的存倉公司一般服務彈性較高，普遍能夠彈性延長日數（不是一延就要延一個月），對於需要暫存傢俬的屋主便相當有幫助。此外，規模大即經驗夠，更能確保運輸過程而不致弄壞東西。
本文章內容及圖片均由本專欄作者提供及上載，並不代表本公司立場，如有任何版權問題，請與本公司聯絡。
