愉景灣DBrasserie餐廳：免費交通優惠，歐陸風情

餐廳：DBrasserie (愉景灣) 地址：愉景灣愉景廣場1樓151號舖 每逢假期都會想捉緊機會遠離城市嘅繁囂🥹，今次就搭咗半個鐘船去愉景灣，唔洗出國都感受到漫活嘅歐陸異國風情🍃。最重要依家愉景灣做緊個Dine 'N Ride嘅免費交通優惠😍，只要即日喺指定餐廳以電子消費堂食滿指定金額💰，就可以免費換取返市區嘅指定巴士/船飛🆓，而其中一間就喺我今次去嘅DBrasserie🍽️ 餐廳老闆喺住喺愉景灣嘅德國人，同時提供多國菜式，仲有啡有啤酒🍻，同一間餐廳可以滿足到唔同人嘅需要，黎到絕對可以體驗獨一無二嘅用餐享受😙，餐牌上仲有啲好有創意性嘅食物，就好似印度雞肉三文治同枝豆漢堡🍔。店內以落地玻璃同開放式廚房組成空間感十足嘅餐廳，對出就喺愉景廣場巴士總站，另外設有戶外座位俾你享受吓海風🌊，每逢週末9pm後會有live band表演，同晚餐6-9pm呢啲時間有截然不同嘅氣氛，仲會set up一個小小嘅Dance Pool，聽到都勁有feel🎵，大家都會嚟一齊飲返幾杯同唱歌跳舞，有機會真喺想join吓🕺🏻 ✝️Smoked Salmon $88 經過長時間發酵嘅酸種貝果帶有麥香，烘熱後質感外脆內軟，嚼勁十足🥯，餡料有洋蔥🧅、芥末、酸豆同幾塊煙三文魚，無論味道定口感都好有層次👅，配埋誘人嘅忌廉芝士食落更creamy，同時食得出陣陣溫醇煙燻香🌫️ ✝️Bugolgi Chicken $138 餐廳用高價專登買咗個用嚟烤雞嘅焗爐🍗，通過控制溫度同濕度將肉汁鎖住，連雞胸肉都做到鮮嫩多汁💦，自家製嘅醬汁以韓式醬油為基礎，慢烤後完全滲入雞肉當中，鹹甜交織加上香烤滋味認真送飯一流😋，另外伴碟嘅黑醋沙律酸香開胃，解膩一流🥗 ✝️Laksa Udang $138 鍾意南洋料理嘅朋友呢款就啱曬你啦🇲🇾，佢哋將香料乾炒後再加入椰奶提升香氣同濃稠度，熬製出惹味又滑順嘅喇沙湯底🥘，仲帶有若隱若現嘅辣感🌶️，呢碗用咗彈牙烏冬取代黃麵，幾有新鮮感，配上鮮蝦🦐、熟蛋、豆芽、蔬菜同埋索曬湯汁嘅豆卜簡直喺水準之作👍🏽 ✝️Choco-Cafe Yum Ngok $78 蛋糕以浸過咖啡嘅法式杏仁蛋糕、咖啡忌廉同埋黑朱古力甘納層層堆疊而成🍰，咖啡同黑朱古力甘醇嘅後韻有助平衡忌廉嘅香甜味，整體食落甜而不膩🍫 ✝️Biko-Mango Shortbread $68 將泰式芒果糯米飯以蛋糕形式重新演繹🇹🇭，底層酥脆嘅椰子餅底上舖滿入口即溶嘅Cottage Cheese同椰子慕斯，同上層清甜嘅鮮芒果肉配合得天衣無縫🥭，每一啖都感受到東南亞嘅夏日滋味 ✝️Lemon-Cinnamon Cheesecake $58 柔滑細緻嘅忌廉芝士同硬脆嘅牛油餅底形成強烈對比💥，同檸檬獨一無二嘅清香交織出酸甜兼具嘅口味，令人越食越開胃🍋，最後以肉桂粉同焦糖做點綴，增添馥郁芳香嘅風味🍮 嚟到呢到一定要試下愉景灣本地品牌嘅Uncle Russ咖啡，叫咗杯Cafe Latte($34)同Café Cappuccino($34)☕️，自家烘焙嘅咖啡豆帶有淡淡堅果香，同香醇綿密嘅奶泡完美平衡，苦後回甘嘅感覺令人回味無窮😇 ✝️Pilsner 'Unfiltered' $50 除左枝裝嘅酒精飲品，佢哋亦有5款生啤🍻，當中包括呢款同本地品牌「少爺啤」聯成推出嘅獨家啤酒，出面搵唔到架🇩🇪，酒廠根據傳統德國酸啤釀造出典型嘅酒花同果香，酒體厚度輕盈偏薄，就算唔多飲酒嘅我都覺得好易入口👌🏽