前東張主播丨黃穎君當年不斷選美有原因　Burmie由家人破產到成港區政協委員

前《東張西望》主持黃穎君（Burmie）在今日（5月11日) 接受漢陽的新城《詩歌有Guide》節目錄音訪問，因她當年做模特兒關係，由大學時期已跟漢陽認識。

漢陽對這位由學生時期任職模特兒、選美、擔任《東張西望》主持、繼而結婚生仔、更成為現任武漢市港區政協委員，睇著她長大的乖乖女Burmie，一直讚口不絕。

而Burmie一直不停努力搵錢，最高記錄一日打7份工，又不停參加大大細細的選美，原來背後有「洋蔥」。

前東張主播丨黃穎君宣布新動向升呢做政協委員　被指是「許詩晴」原型

▲ 黃穎君接受漢陽訪問。

想辦法賺錢交學費

Burmie在節目中表示，好多朋友都說她好鍾意選美及搵錢，她帶著笑容輕描淡寫地為自己平反：「大學初期，屋企與朋友合作在內地做製衣生意，信錯朋友，導致生意失敗破產。」

她回憶稱：「大學一年級有一日放學時，收到父母來電，問可否不讀大學？爸爸媽媽說冇錢已交不到學費。當時我好冷靜，只是在想咁辛苦考入大學……最後我沒放棄，開始諗辦法賺錢每年交學費。」

她從此開始打工，一面返大學讀書，放學就趕去做兼職：「做過企街派傳單、商場服務員幫顧員的電梯按掣，又參加過I.T代言人大賽，因為勝出者送電腦；之後，再參加工展小姐，因為獎金有5萬元現金，仲有電飯煲、水煲等電器獎品；之後再選港姐。最高記錄，一日打七份工。」

▲ 黃穎君曾主持《東張西望》。

不要妬忌別人成功

家人還債生活一直到她加入TVB後：「有一晚半夜，我由TVB工作完回家，父母好開心告訴我，剛還完債喇，問親戚、朋友借錢的街數也全數還清了，父母提議去旅行，但我選擇了把旅行錢，繼續讀碩士。」

而她在香港大學教育學系（主修通識教育科）畢業後，再在香港中文大學修社會學系碩士，在2015年畢業。

▲ 黃穎君成為武漢市港區政協委員。

漢陽就指，從沒聽過她說過屋企背後故事，每次見她都是充滿陽光笑容。

她說：「沒人一帆風順，知道不要抱怨，也不要妬忌人家的成功，每位成功的人背後都付出過不少努力，有一首詩歌我好鍾意，感覺陪著我走過每一步，每遇上挑戰，就會想聽，呢首詩歌就是《足印》。」

最新影片推介：周家蔚專訪

HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m

追蹤TOPick Whatsapp頻道睇最新資訊︰http://tinyurl.com/3dtnw8f5