有「索爆人妻」之稱的31歲TVB女星陳詩欣,曾主持《姊妹淘》及《流行都市》等綜藝節目,2021年陳詩欣嫁富貴老公陳爾正(Joshua)後,便過闊太生活,不時周遊列國旅遊嘆世界、買名牌,生活無憂。日前陳詩欣就在社交網分享了一件「離地」的生活瑣碎事。
陳詩欣自嫁人後生活幾級跳, 未知是否升呢闊太後出入有司機,昨日(13日)她就分享了一條搭港鐵的短片,片中見她在港鐵站閘口正拍卡出閘,不過她就非常詫異表示:「影低佢,收$3.9。」原來陳詩欣以為入閘後,只是去同站第二個出口,不搭車是不用收錢。
陳詩欣寫道:「分享一件無聊事,話說今日我同朋友一齊去銅鑼灣Times(Times Square時代廣場),發現落雨了,她就好醒咁同我講我哋可以喺Times入閘,然後Sogo出,我哋冇搭地鐵應該唔會收錢。結果…….我呢段路收咗$3.9。我老公話點解你們會覺得入咗閘可以唔收錢,又真係!蠢嘅真係要同啲蠢嘅做朋友,真係蠢到冇人有。」網民都大指Eunice僅得31歲,但生活離地。