CHILL CLUB頒獎禮| 越南歌手Vũ與Dear Jane掀高潮 為追夢棄軍校教職 被指撞樣曾國祥?

CHILL CLUB頒獎禮| 越南歌手Vũ與Dear Jane掀高潮 為追夢棄軍校教職 被指撞樣曾國祥?
CHILL CLUB頒獎禮| 越南歌手Vũ與Dear Jane掀高潮 為追夢棄軍校教職 被指撞樣曾國祥

ViuTV年度音樂盛事《CHILL CLUB 推介榜年度推介23/24》喺噚晚(12日)圓滿結束,頒獎禮一如以往邀請不同海外歌手與本地歌手喺台上jam歌交流,當中以越南創作歌手Vũ與本地樂隊Dear Jane合唱嗰一part最為精彩,掀起整晚嘅高潮。

Vũ(Hoàng Thái Vũ 黃泰武)喺噚晚與Dear Jane唱出《Những Lời Hứa Bỏ Quên》(中文歌名是《被遺忘的諾言》),期間Dear Jane主音Tim以越南話演繹歌曲。其後,佢哋再合唱《2084》,Vũ以字正腔圓嘅廣東話唱出,精彩表演令唔少台下歌手聞歌起舞。除咗現場人士high爆之外,Vũ嘅精彩演出亦獲得網民洗版式大讚,例如「Vu真係技驚四座」、「今晚MVP係越南佬」、「嘉賓唱返廣東話有驚喜」、「成晚最好睇就係呢個環節!Vu好勁,呢啲先叫唱歌嘛!個啲口噏噏當唱歌要學習下!另外都要讚阿Tim,唱得似模似樣,望住啲拼音真係唔知點發聲!」、「全晚高潮!Vũ好韓星feel」、「全晚最好睇嘅一part,勁好聽勁正~估唔到越南歌手唱廣東歌仲好聽過有啲正宗香港人唱廣東歌」、「我覺得越南歌手成晚最掂」、「又靚仔又唱得,可以嚟香港發展」、「越南佬唱廣東歌好聽過啱啱好多香港歌手」、「呢個合作舞台係全晚最好睇」及「全晚最精彩,音樂交流好好聽。多謝唱廣東歌,越南歌都好好聽。」等等。

另外,更有網民Vũ大讚靚仔及認為外貌同曾國祥有幾分相似,留言話「越南佬越睇越靚仔」、「個樣似曾國祥」、「曾國祥mix沈震軒」及「曾國祥唱得好好」等等。

出生於越南的Vũ有「獨立音樂王子」稱號,不過由於生於公務員家庭,Vũ最初亦順從父母意願,入讀軍事學院,並於軍事學校任教。但熱愛音樂創作的Vũ沒有放棄追夢,繼續創作並於網上發佈,創作的歌曲《Lạ lùng》及 《Lời yêu em》在網上引起不少關注爆紅。Vũ的才華更於2019年獲唱片公司賞識,加入華納成為旗下首位越南歌手,其作品《Những Lời Hứa Bỏ Quên》在網上更已獲得逾三千萬的點擊率。

Vũ
Vũ
《CHILL CLUB 推介榜年度推介23/24》截圖
《CHILL CLUB 推介榜年度推介23/24》截圖
《CHILL CLUB 推介榜年度推介23/24》截圖
《CHILL CLUB 推介榜年度推介23/24》截圖
《CHILL CLUB 推介榜年度推介23/24》截圖
《CHILL CLUB 推介榜年度推介23/24》截圖
《CHILL CLUB 推介榜年度推介23/24》截圖
《CHILL CLUB 推介榜年度推介23/24》截圖
《CHILL CLUB 推介榜年度推介23/24》截圖
《CHILL CLUB 推介榜年度推介23/24》截圖
Vũ
Vũ
Vũ
Vũ
曾國祥
曾國祥
曾國祥
曾國祥

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!