芷珊約您｜王嘉爾粉絲見面會熱情互動 驚喜求婚現場成焦點

巡唱前一天，芷珊直闖綵排現場探班，率先體驗 VVIP 專屬環節，上台與 Jackson零距離接觸，Jackson 不但滿足芷珊十指緊扣要求，還主動持機自拍、上落樓梯伸出紳士之手攙扶，難怪芷珊冧爆直言有心跳感覺：「明佢啲 fans 點解咁 die hard，我已經落坑了！」Jackson 絕對是寵粉狂魔，每站巡唱前必定舉辦 VVIP 綵排環節，恍如見面會般與偶像近距離互動，他曾在巴黎站巡唱促成粉絲求婚大作戰做見證人；騷前亦盡應 VVIP 粉絲要求合影，影足兩小時！騷前芷珊特意預備潤喉開聲禮盒送給 Jackson，除了人蔘還有一種「食材」，Jackson 見到嚇得大叫，到底是甚麼呢？節目自有分曉。

自覺剛起步 名氣似泡沫：「隨時都可以冇」

粉絲遍佈世界各地、各大社交媒體擁數以百萬、千萬計粉絲，單在 IG 就有支持者越過 3,300 萬粉絲的 Jackson，謙稱自覺目前只是剛起步，做任何事情應抱著感恩心態：「我覺係啱啱開始，名氣又好、popularity 又好，我會覺得係泡沫，隨時都可以冇。」自小嚮往演藝夢、不顧家人反對勇闖 K-Pop 樂壇，Jackson 回想曾任劍擊港隊總教練的爸爸，當年開出讓他入行的條件：「爸爸半開玩笑話『攞到冠軍畀你去』，講呢句說話即係唔畀我去，因為知我冇可能攞到。」不但犧牲參加奧運、入讀美國史丹福大學的機會，更錯失同輩所經歷的時光；2011 年到韓國展開練習生生涯，初時對韓語一竅不通，眼見身邊練習生無論內外條件都滿分，Jackson 有感技術不如人，坦言第三天已有想放棄的念頭：「技術又冇，生活所有嘢變晒，好孤獨。」、「唯一可以同佢搏嘅，你做十個，我就做一百個。我要先令到自己技術進步，想去邊間公司都去到。」近乎 10 年沒休息過的 Jackson，今年踏入 30 歲，他希望放慢腳步，帶父母去旅行；他還講出兩個認為自己 10 年後的轉變，嚇得芷珊直呼：「唔好嚇我，你啲 fans 聽到癲架喇！」到底 10 年後的 Jackson 會怎麼樣？密切留意節目。

此外，芷珊特意邀來 Jackson 爸爸王銳基受訪，王爸爸直言當年有意刁難兒子，但看到他目前驕人成績坦言感到自豪；又指 Jackson 向來報喜不報憂，從來沒見過其軟弱一面，說到此王爸爸不禁眼泛淚光：「就算 GOT7 出道，佢真係用條命

嚟搏，好努力。人哋禮拜六、日休息，佢就返內地跑行程，趁飛機來回時休息瞓覺，你話作為父母係咪好心酸……」該場澳門站巡唱，王爸爸和王媽媽首次到現場睇騷，還上台與 Jackson 擁抱，兒子更親吻父母面頰，畫面勁溫馨。

芷珊每集都會要求嘉賓分享一個小秘密，Jackson 也不例外，究竟會是甚麼呢？他罕有談及愛情、婚姻觀之餘，還分享手臂紋身背後的故事，萬勿錯過今晚一集《芷珊約您》。

想知道更多相關精彩資訊，敬請留意 www.tvb.com。