Deg yiwen n yinaw i d-yeɣra sdat n yimezrawen n Usfaylu ussnan akked tesnatwilin « Abdelhafid Ihaddadene » deg temdint tamaynut n Sidi Abdellah, deg tlemmiẓt n Wass aɣelnaw n umezraw i yesfuggulen amulli wis 68 n usunded amezruyan n 19 mayu 1956, yerra tajmilt uselway n Tegduda i yilemẓiyen « ilan isenfaren, yekkerwin tisnatwilin timaynutin yerna ttasmen ɣef tmurt-nsen ».
Seg yesla i wid i d-yemmeslayen ɣef wayen iceɣben imezrawen, aselway n Tegduda yeḍmen dakken « Awanak yesɛa idrimen i yisenfaren akk akked tegmiyin yerzan tiṛmisin timecṭaḥ n tesnatwilin timaynutin », yezzireg-d dakken « asiẓref ur yettili ara d ugur i usnegmu n tmurt ».
Yefser-d ussisen i tga i usmal n Tesdawit tadzayrit, i smunen ass-a, gar tmezwura deg uswir aɛrab akked ufriqi, aselway n Tegduda yenna-d dakken yumen s Dzayer tezmer ad taweḍ « s adar unnig s yiketturen n yilemẓiyen akked yimezrawen ».