香港探秘地圖丨黎耀祥領軍拍新劇全港周圍去 龔嘉欣憶6年前《殺手》開工後巷目睹過百隻曱甴

黎耀祥、龔嘉欣、孔德賢（Danny）、丁子朗同倪嘉雯等呢日為新劇《香港探秘地圖》試造型，祥哥同嘉欣對上一次合作已要數到六年前嘅《殺手》，今次二人再合作，雖然唔使打到飛起，但要遊走香港唔同地方取景，當中有唔少挑戰，嘉欣話自己有大量外景，不過佢非常習慣外景拍攝，就算面對蛇蟲鼠蟻完全冇問題，因為六年前拍《殺手》嗰陣，曾經喺後巷見到過百隻曱甴，嘉欣仲要打到趴地，祥哥就話而家應該冇嘢難得倒嘉欣啦！

講到同一班年輕演員合作，嘉欣就話估唔到自己已經升呢前輩，祥哥覺得同後輩合作可以有新嘅刺激，激發自己嘅新思維，所以非常期待；丁丁今次喺劇中飾演一個導演，佢話自己嘅造型正正係參考本劇嘅監製。因為角色設定，丁丁要揸住部攝影機全香港周圍去，佢自己都好期待，不過最開心係可以同祥哥合作，因為好似上緊免費表演堂。

唔講唔知，原來Danny係嘉欣中學師弟，今次終於有機會合作，Danny當然有把握機會同師姐相認，仲自爆當年喺學校日日睇住嘉欣張poster，一早已視嘉欣為偶像。