小火焰韓式咖啡廳 (觀點中心) (已結業)

KPOP狂熱粉絲實好鍾意小火焰韓式咖啡餐廳，幾個大電視芒不停播住韓國MV，BTS, Blackpink, GOT7應有盡有。環境裝修以工業同木頭為主，最啱三五知己食住韓食傾住自己嘅Bias。-吹賬水牛芝士牛肉野菌沙律 💰108 7⃣想呃like點會唔選呢個沙拉，吹漲咗嘅水牛芝士波波，可以切開嘅波波配埋牛肉一齊食，層次口感上面都會好唔同。牛肉都算嫩口，重點係份量都幾多下，覺得油膩仲可以配沙律菜一齊食。-芝味炸雞(半份) 💰88 8⃣車打芝士醬淋上外層好脆內裡好多汁嘅炸雞，小編真係最憎果啲韓國餐廳，用芝士粉就算數，呢間真係夠晒誠意。-拉絲芝士BB豬肋骨伴泡菜炒飯 💰88 8⃣燒烤醬口味嘅豬肋骨，口感軟軟腍腍但未至於入口即化地步。泡菜炒飯舖咗大量芝士，甚至做到拉絲效果，大人細路老人家都應該中意。-冰菓魷魚鬚水冷麵(蘿蔔味湯底) 💰88 7⃣水冷麵口感超級爽口，酸蘿蔔嘅存在令人越食越開胃，燒過嘅魷魚鬚簡直係碗嘅靈魂人物。-草莓3.6牛乳雪花冰 💰68 💙90/100喜出望外嘅雪花冰，芝士蛋糕同埋士多啤梨真係夾到無朋友。